ریاست الوزراء سیاسی اورین باسری نینگ  ایران اسلام جمهوریتی نینگ افغانستان اوچون مخصوص نماینده سی و ایلچیسی بیلن اوچره شووی

افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر( پنجشنبه کونی) افغانستان اوچون ایران نینگ مخصوص نماینده سی همده بو مملکت  ایلچیسی حرمتلی سید حسن کاظمی قمی و یولداش هیاتی بیلن ملاقات قیلدی. 

اوشبو اوچره شووده حرمتلی سید حسن کاظمی قمی نینگ ایتیشیچه، سونگی کونلرده کابلگه تشقی هیاتلرنینگ کیلیب کیتیشی سیاسی میدان ده اسلامی امیرلیگی نینگ رواجله نیشی همده دنیا بیلن یخشی تعامل معنیسینی انگلته دی.

حرمتلی قمی جنابلری، سوونی باشقریش، ساغلیقنی سقلش، اقتصاد، عالی تحصیلات و اطراف محیطنی تازه سقلش بولیمیده اوزی نینگ مملکتی همکارلیگیدن وعده بیریب، مملکتی مسلکی اوقیتیش بوییچه افغان یاشلرینی تربیه‌لشده همکارلیک قیله دی. 

شونینگ دیک ایران نینگ افغانستان اوچون مخصوص نماینده سی همده ایلچیسی قمی جنابلری نینگ کوپه یتیریشیچه،  چابهار بندی نینگ فعالیتی افغانستان و ایران اورته سیده یخشی فرصتلرنی کیلتیره آله دی، لیکن ایریم تیوره کلر رسمی تهران  کابل مناسبتینی بوزیشگه اولگوره دیلر. 

اونینگ سوزلریگه کوره، افغان و ایران دین عالملرنینگ ییغینی هر ایکی مملکت اورته سیده گی همکارلیکلر اوچون یخشی زمینه بوله دی.

کیینچه لیک ریاست الوزراء سیاسی اورین باسری حرمتلی مولوی عبدالکبیر اسرایل صهیونستی رژیمی نینگ منطقه گه هجومی و تجاوزلرینی تنقدی قیلیب ایتیشیچه، اسلام امیرلیگی منطقه ده بحران کینگه یشی نینگ طرفداری ایمس، بو مساله نینگ بیرینچی حل یولی اسراییل کوچلری نینگ غزه نی ترک قیلیب چیقیشی دیر.

حرمتلی مولوی عبدالکبیر نینگ سوزلریگه کوره، اسلام امیرلیگی ایرن اسلام جمهوریتی بیلن سیاسی، اقتصادی همده فرهنگی بولیمده یخشی مناسبت ده بولیش نی ایسته دی و ایران نینگ افغان مهاجرلرینی میزبانلیک قیلگنی اوچون منتدارچیلیک قیدی. 

شونینگدیک ریاست الوزراء سیاسی اورین باسری، قوشنی مملکت لر افغان مهاجرلرینی اوز یورتلریدن چیقاریش ده بیر آز چیده ملی بولیشلری کیره ک دیب و ایران ده گی افغان مهاجرلری قیین چیلیگی حل بولیشی اوچون اعتبار قره تیشلرینی طلب قیلدی. 

عین حالده، ریاست الوزراء سیاسی اورین باسری حرمتلی مولوی عبدالکبیر ایران سرمایه یاتقیزووچیلریدن افغانستانده سرمایه یاتقیزیشلرینی سوره دی. شونینگ دیک اسلام امیرلیگی منطقه همده باشقه دولتلر بیلن منطقه وی برقرارلیک اوچون مشترک ایشله یدی. 

ریاست الوزراء سیاسی اورین باسری نینگ کوپه یتیریشیچه، بیزلرنینگ موقفیمیز برچه مملکت لر بیلن ایزگو دیر و تعامل کینگه ییشی متقابل حرمت اساسیده دیر و منطقه نینگ دولتلری هم منطقوی پروژه لر عملگه آشیریلیشی اوچون سهم آلیشلری کیره‌ک#