افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی تیناوون فاریاب ولایتی گرزیوان و پشتونکوت اولسواللیکلری نینگ بیر قطار بویوکلری بیلن اوچره شدی.
اوچره شووده، حاجی عجب گل و حرمتلی عبدالشکور باشقه لر نماینده لیگیده سوزله شیب، مملکت ده قیته دن اسلامی نظام حاکمیتگه کیلگنی، عمومی امنیت تامینلنگنی، فعالیتلر و اسلام امیرلیگی نینگ محلی مسووللری ایزگو رفتاریدن خوشلیک اظهار قیلدیلر.
اولر، محلی مسووللر خذمت قیلیش یولیده قیسقه کیلمه یدیلر و خلق ایسه بونینگ اوچون راضی دیدیلر. شونینگدیک اولر اسلام امیرلیگی رهبریتیدن گرزیوان و پشتونکوت اولسواللیکلری عمومی یولی قوریلیشی اوچون جدی توجه ایتیشینی طلب قیلدیلر.
ریاست الوزراء اداری اورین باسری حرمتلی مولوی عبدالسلام حنفی، گرزیوان و پشتونکوت اولسواللیکلری اهالیسی نینگ فداکارلیک، جان فشانلیک و مجاهدپرورلیگیدن یخشیلیکده ایسلب اولرنینگ اسلام امیرلیگیدن بولگن حمایت و ارقه داشلیگی اوچون قدردانلیک قیلدی.
ریاست الوزراء اداری اورین باسری، اسلام امیرلیگی افغانستان خلقی نینگ قیین چیلیک و معمالرینی برطرف ایتیش اوچون کوشش ایته دی و مذکور اولسواللیکلر عمومی یولی قیته قوریلیشی اوچون هیچ قنده ی سعی و حرکتنی دریغ ایتمه یدی دیب بیلدیردی.
