قندهار، زابل و هلمند ولایتلریده اوچته برق ییریک پروژه سی نینگ قالگن ایشلری تیناون افغانستان اسلام امیرلیگی ریاست الوزراء اقتصادی معاونی حرمتلی ملا عبدالغنی برادر آخند قوشیمچه، کابینه اعضالری و قندهار، زابل و هلمند ولایتلری محلی مسووللری حضوریده اوتکزیلگن مراسم آرقلی رسما باشلندی.
انه شو مناسبت بیلن اوتکزیلگن مراسمده نطق سوزله گن ملا عبدالغنی برادر آخند مذکور پروژه لر برق بولیمیده اوزینی اوزی حمایت قیلیش، ینگی ایش فرصتلری ایجاد بولیشی و مملکت اقتصادی آستقورمه سی کوچه یشی اوچون مهم قدم حسابلنه دی دیدی. اونینگ سوزلریگه کوره، بو پروژه لر تکمیل ایتیلیشی بیلن کجکی توغانی برقی بوتونلهی قندهار ولایتیگه آلیب باریلهدی اویلر یاروتیلیشی بیلن بیرگه صنعت روالجه نیشی اوچون زمینه یره تیلهدی.
شونینگدیک ریاست الوزراء اقتصادی اورین باسری اسلام امیرلیگی ایچکی منبع لردن فایده له نیش بیلن مملکت ایچکریسیده برق ایشلب چیقاریش اوچون جدی تلاشلرنی باشلهگن و شونینگ اوچون هم سونگی وقتلرده قویاش، شمال و گازدن ۲۵۰ میگاوات برق ایشلب چیقاریش مقصدیده نیچه ولایت ده خصوصی بولیمده شرطنامه امضالنگن.
بو مراسمده نطق سوزلهگن مسووللر ایچکی برق ایشلب چیقاریشنی کینگیتیریش، یریم قالگن پروژه لرنی تکمیل قیلیش، صنعتی، تجاری و ایکینچیلیک بولیملرده احتیاج بولگن برق نی تامینلشگه تاکیدلهدیلر.
مذکور پروژه لر زابل ولایتی مرکزی قلات سباستیشن، قندهار شرقیدهگی سباستیشن و کجکی برق توغانی کارخانهسیدن ۱۱۰ کیلوات برق لینینی قندهار شرقی سباستیشنیگه قدر ییتکزیش پروژه لرنی تمکیل قیلیش دن عبارت دیر.
اوشبو پروژه لر عملگه آشیریلیشی اوچون چمهسی بیر میلیارد افغانی خرج قیلینیشی نظرده توتیلگن بو پروژه لر تکمیل بولیشی بیلن یوزمینگلب کیشی برق بیلن تامینلنهدیلر و بیر قنچه وطنداشلریمیز ایش جایلری بیلن تامینلنهدیلر و شونینگدیک کجکی بند برق ثمره لی جذب بولیب صنعتی، تجاری و ایکینچیلیک سکتوریده برق گه بولگن نیازمندلیک اساسی شکلده برطرف ایتیله دی.#
