افغانستان اسلام امیرلیگی ریاست الوزراء عالی مقامی دفتری عمومی رئیسی حرمتلی داکتر ملا عبدالواسع بوگون توشدن سونگ لوگر ولایتی ازر اولسواللیگی احمدزی قومی نینگ بیر قنچه بویوکلری و نفوذلی کیشیلری بیلن ارگ ده اوچره شدی.
اوچره شووده بیرینچیدن ریاست الوزراء عالی مقامی دفتری ریاستی نینگ مردمی و یاسی ایشلر بوییچه رئیسی مولوی گلزار احمد حقانی احمدزی قومی نینگ بویوکلری و آقسقاللرینی خوش کیلیب سیزلردیب، لله الحمد حاضر خلقیمیز مملکت نینگ هربیر چیکه سیده تینچلیک و آسیایشته لیکده حیات کیچیره دیلر و حیای یوموشلری یخشی صورتده جریانی بار.
اونینگ سوزلریگه کوره، بیزلر امکان قدر مملکت نینگ هر بیر منطقه سیده گی آدملرنینگ قیین چیلیکلرینی حل قیلیشگه اولگوره میز.
کیینچه لیک اوشبو قوم نماینده لیگیده داکتر ولی خان تمیم و قاری سردار ولی گپیریب ایتیشلریچه، افغانستانده اسلامی نظام برقرارلیگیدن خورسند میز و بیزلر خداوند کریم دن منتداربولیشمیز کیره ک.
شونینگدیک اولر اسلام امیرلیگیدن حمایت بیلدیریب ایتیشلریچه، بو جوده خوشلیک اورنی دیرکه بیزلر اوز قیین چیلیک و معمالریمیزنی توغریدن توغری شریک قیله میز. هر بیر وزیرلیک، ریاست، ولایت و قوماندانلیککه مراجعه قیله میز برچه لری دین عالملری دیر و اسلام امیرلیگی نینگ مسووللریدن ارز قومانی خلقی نینگ قیین چیلیکلرینی توجه قیلیشنی ایسته یمیز دیدیلر.
مذکور قوم نینگ بویوکلری یوللرنی قوریش، تازه ایچیملیک سوو، سوو تاشقینلریدن قالگن ویرانلیکلرنی قیته تیکلش، موسسه لر کمکلرینی جلب ایتیش و بو اولسواللیک کوپراق توجه بولیشی کبی ایستک و پیشنهادلرینی ریاست الوزراء عالی مقامی دفتری رئیسی بیلن شریک قیلدیلر.
کیینچه لیک ریاست الوزراء عالی مقامی دفتری عمومی رئیسی حرمتلی داکتر ملا عبدالواسع، اسلام امیرلیگی بیلن همکارلیک اعلان قیلگن اوشبو بویوکلرگه منتدارچیلیک بیلدیریب، مملکت ده اسلامی نظام برقرار ایتلیشی اوچون برچه خلق سونگگی ییگیرمه ییل ایچیده قربانلیک بیردیلر و حاضر ایسه الحمدالله اسلامی نظام مملکت ده حاکم دیر.
اونینگ تاکیدلب ایتیشیچه، اسلامی نظام قربانلیک نیتجه سیده اورته گه کیلدی و بونینگ سقله نیشی هم قربانلیک طلب قیله دی شونینگ اوچون خلق اسلام امیرلیگی بیلن همکار بولیشی ضرور دیر.
ریاست الوزراء عالی مقامی عمومی دفتری باشلیغی اسلام امیرلیگیده تبعیض ده اورین یوق و هر بیر وطنداشیمیزنینگ قیین چیلیگی بولسه اونینگ حلی اوچون سعی وحرکت قیله میز دیدی.
اسلام امیرلیگی خلق نینگ آوازینی ایشیته دییه گپیرگن داکتر عبدالواسع جنابلر محلی اداره لر و خلق اورته سیده هماهنگ لیککه تاکیدلب، سیزلرنینگ قیین چیلیکلرینگیز حل بولیشی مقصدیده اسلام امیرلیگی نینگ تیگیشلی اداره لری بیلن شریک قیلینه دی دیب وعده بیردی.
