افغانستان اسلام امیرلیگی ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع ریاست الوزراء رئیسی حرمتلی ملا محمد حسن آخند بویروغی اساسیده بیر هیات باشچیلیگیده بامیان ولایتی شیبر و بغلان ولایتی دوشی اولسواللیگی اورتهسیدهگی یول و یولاوچیلر قیینچیلیکلرینی اورگنیش مقصدیده بامیان و بغلان ولایتلریگه سفر قیلگن.
حرمتلی داکتر صاحب چهارشنبه کونی بامیان ولایتیگه باریشی بیلن بامیان ولایتی نینگ شیبر و بغلان ولایتی نینگ دوشی اولسواللیگی یونهلیشیده جایلشگن یول قیینچیلیکلرینی یقیندن باریب کوریب و اهالی بیلن هم اوچره شدی. موجود قیینچیلیکلر و یولاوچیلر معماسی برطرف ایتیلیشی خصوصیده بامیان ولایتی والیسی بیلن هم اوچره شدی.
اوشبو جلسهده بغلان ولایتی تاله و برفک منطقه و غوربند یولی قیته قوریلیشی اوچون بامیان ولایتی فواید عامه ریاستی نینگ برچه جهازلریدن ایش آلینیب بو توغریده جدی اقدام و قیین چیلیک برطرف بولیشی اوچون تاکیدلندی.
حرمتلی داکتر صاحب اوزی نینگ سفری دوامیده پنچشنبه کونی بغلان ولایتی گه باریب بو ولایت والیسی، اونینگ اورین باسری، امنیه قومندان و برچه اداره لر رئیس لری بیلن اوچره شیب ملاقات قیلدی.
اوشبو ییغین ده بغلان ولایتی تامانیدهگی سالنگلرگه تیگیشلی برچه منبعلر و دوشی اولسواللیگی ده فواید عامه ریاستیده گی بوتون تجهیزاتلر دوشی اولسواللیگی دن بامیان ولایتی چیگره سیگه انتقال بیریلیشی حقیده قرار قبول قیلیندی.
ایتیش کیرهک که بامیان - دوشی یولیده ترافیک تیقینلیگی آشگن دیز، بو ایسه اسلام امیرلیگی سالنگ عمومی قتناو یولینی قیته قوریش مقصدیده وقتینچه لیک ترافیک یوزیگه یاپگن دن سونگ یولاوچیلر بامیان و دوشی یولیدن باریب کیلیشکه مجبور بولدیلر. ریاست الوزراء عالی مقامی تامانیدن تعین بولگن هیات بو قیین چیلیک حل بولیشی اوچون قولی یوللرنی قیدیرماقده دیر.
