افغانستان اسلامی امارت ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین بیرلشگن ملتلر تشکیلاتی نینگ افغانستان اوچون سیاسی ایشلر بوییچه مخصوص نماینده سی همده یوناما سرپرستی مارکوس پوتزل بیلن اوچره شدی.
ارگ ده بولیب اوتگن بو اوچره شووده، ریاست الوزراء نینگ اورین باسری جناب پوتزل نی خوش کیلیب سیز دیب، اونگه ینگی ماموریتیگه موفقیت ایسته دی. سیزنینگ افغانستانده ییترلی تجربه نگیز بار برچه بولیملرده افغانستان خلقی گه یخشی همکار بوله آله سیز دیدی حنفی جنابلری.
سونگره، بیرلشگن ملتلر تشکلیلاتی کاتبی نینگ افغانستان ایشلری بوییچه سیاسی نماینده سی همده یوناما سرپرستی مارکوس پوتزل، افغانستانده ینه بیر بار ماموریتیمنی باشله گن دن خرسند من، بیرلشگن ملتلر تشکیلاتی افغانستاننی کوچلی حمایت ایته دی و بو مملکت خلقی گه ثمره لی فعالیتلرنی بجریش امیدیده من.
او شونینگدیک سونگگی وقتلرده افغانستان ده یوز بیرگن طبیعی حادثه لر طفیلی مالی و جانی تلفاتلر خصوصیده اوز چوقور قیغوداشلیگینی بیلدیریب ایتیشیچه، بیرلشگن ملتلر تشکیلاتی انسان پرورلیک یاردملر ارقه لی افغانستان خلقی نینگ یره سیگه مرحم بولیش اوچون سعی و حرکت قیله دی.
بیرلشگن ملتلر تشکیلاتی نینگ ایریم بولیملرده گی کمک و همکارلیگیدن منتدارچیلیک بیلدیرگن حرمتلی مولوی حنفی جنابلری، اسلامی امارت بیرلشگن ملتلر تشکیلاتی بیلن هر قنده ی بیر همکارلیک قیلیش گه تیار دیر و بو تشکیلات نینگ افغانستان وضعیتی یخشی له نیشی اوچون ایته جک برچه اقتصادی و انسانی کمکلرینی خوش قرشیله یدی دیدی.
