افغانستان اسلامی امارت ریاست الوزراء باشلیغی حرمتلی ملا محمد حسن اخند عید سعید اضحی نمازینی بوگون ایرته لب ارگ نینگ جامع مسجدیده اوقیدی.
قربان هیتی نمازینی اوقیش مناسبتی بیلن اویوشتیریلگن مراسمده رئیس الوزراء دن علاوه، ریاست الوزراء نینگ اداری ایشلر بوییچه معاونی حرمتلی مولوی عبدالسلام حنفی، حرمتلی کابینه اعضالری و افغانستان اسلامی امارت نینگ بیر قنچه حربی و نا حربی بلند مرتبه لی رسمیلری قتنشگن ایدیلر، نمازنی اوقیگن دن سونگ بیر- بیراولرینی هییت بیره می مناسبتی بیلن تبریکله دیلر.
افغانستان اسلامی امارت ریاست الوزراء حرمتلی باشلیغی اوزی نینگ صحبتلریده قربان هییتی بیلن بوتون افغانستان خلقینی تبریک لب ایتیشیچه، سونگگی وقتلرده ایریم ولایتلرده یوز بیرگن زلزله عاقبتیده زیان کورگنلرگه غمشریکلیک قیلیب شهیدلرگه الله تعالی دن بهشت برین سوره دی.
شونینگدیک ملا محمد حسن اخند قربان هییت بیره مینی اسلامی نینگ امارت نینگ برچه مجاهدلریگه تبریکلب الله تعالی درگاهیگه دعا قیلیب، بیت الله شریف گه کیتگن برچه افغانستانلیک لرنینگ حجی نی قبول قیلیشی و خلق نینگ خوشحالیگی بردوام بولیشینی آرزو قیلدی.
او بیز و سیزلر قولمه قول بولگن حالده، مسلمانلرنینگ حیاتی و اقتصادی یخشی له نه دی و ایش جایلری کوپراق یره تیله دی، اما هنوز هم مملکتیمیزگه بولگن تحریم لر دوام ایتماقده بو تحریملر ایسه مملکتیمیز خلقی نی هنوز هم تورلی قیین چیلیکلر بیلن روپه ره قیلیب تورگن دیدی.
مخالفلرگه خطا ب قیلگن ریاست الوزراء نینگ حرمتلی باشلیغی، مخالفت دن قول کوتاریب اسلامی امارت نینگ عمومی عفو اعلان قیلگنیدن فایده له نیشلرینی سوره دی. اولرگه خطاب قیلیب ایتیشیچه، حاضر اسلام و شریعت حاکم دیر، دیمک قویینگلر خلق اسلامی نظام همده برقرارلیک فضاده اوز حیاتیگه دوام بیرسین.
شونینگدیک اولرگه خطاب قیلگن اسلامی امارت نینگ رئیس الوزراء سی، رسانه لر فتنه اویغاتیش گه اولگوره دی، بیزلرنینگ صبر و برداشیمیز بار دیر، لیکن اورین سیز و نا مشروع انتقاد سالم انتقاد بیلن اصلاح ایتیله دی، بنا فساد، اتفاق سیزلیک و نفرت گه سبب بوله دیگن بیجا انتقادلر واز کیچیش کیره ک دیر.
اونینگ کوپه یتیریشیچه، بعضی بیر میش میشلرگه قره گنده اسلامی امارت انسان حقوقلرینی مراعات قیلمه دی، بونده ی ایمس، بیزلر انسان حقوقلرینی اسلامی ارزش لر چوکاتیده نظرده توتیب اونی جدی مراعات ایته میز.
افغانستان اسلامی امارت ریاست الوزراء نینگ حرمتلی باشلیغی اوزی نینگ صحبتلری اداغیده، برچه دن منکرات دن اجتناب قیلیش و خداگه بنده لیک نی خالص نیت بیلن بجریشلرینی سوره دی.
