ایشلرنی تیزلشتیریش و هماهنگ ایتیش مقصدیده مشترک اداری ییغیلیش بوگون توشدن آلدین افغانستان اسلام امیرلیگی ریاست الوزراء عالی مقامی عمومی دفتری رییسی حرمتلی داکتر ملا عبدالواسع باشچیلیگیده ارگ نینگ چهار چنار قصریده بولیب اوتدی.
ریاست الوزراء عالی مقامی عمومی دفتری نینگ اورین باسرلری، ریاست الوزراء اورین باسرلیگی دفتری نینگ عمومی باشلیغلری، باشلیقلر و بو اداره لرنینگ مسووللری حضوریده بولیب اوتگن بو ییغیلیش ده، حرمتلی داکتر ملا عبدالواسع آلدینگی ییغیلیش لرنی ایجابی بهالب، تورلی اداره لر اورته سیده هماهنگ لیک آشگن و ایناغه چیلیک فضاده کیلیشوو تشریک مساعی آلدین دن کوره کوپراق بولیشی اوچون امید قیله من دیدی.
ریاست الوزراء عالی مقامی عمومی دفتری باشلیغی نینگ کوپه یتیریشیچه، ایشلریمیز باره سیده دنیا و آخرت ده جواب گر میز، بنابراین تاپشیریلگن مسوولیتلریمیز اوچون درست اعتبار قره تیشیمیز کیره ک و قیینچیلیکلر حلی اوچون تیگیشلی مسووللرگه مراجعه قیله یلیک.
کیینچه لیک ریاست الوزراء اداری اورین باسرلیگی دفتری باشلیغی مولوی عبدالخلیل روحانی و سیاسی معاونیت دفتری باشلیغی مولوی ذاکر الله ذاکر و باشقه تیگیشلی اداره لر مسووللری خدماتی و حفظ مراقبت بوییچه اوز ایستک و پیشنهادلرینی ریاست الوزراء عالی مقامی عمومی دفتری باشلیغی بیلن شریک قیلدیلر.
بو ییغیلیش ده ریاست الوزراء عالی مقامی عمومی دفتری نینگ منابع بشری باشلیغی مولوی محمد داوود قابلیت آشیریلیشی، مکافات و مجازات اصولی تطبیق ایتیلیشی، اهلیت، لیاقت و شخصیتی بولگن کیشلر تقررلیگی خصوصیده مذکور اداره لرنینگ استخدام کمیته لری اورته سیده هماهنگلیک بولیش کبی پیشنهادینی تقدیم قیلیب ایتیشیچه، بیزلر شونده ی اداره توزه تیشیمیز کیره ک که باشقه امارتی اداره لر آلدیده الگو بولسین.
شونینگدیک ریاست الوزراء عالی مقامی عمومی دفتری نینگ دعوت و ارشاد ریاستی باشلیغی حرمتلی مولوی محمد هاشم شهید ورور عالیقدر امیرالمومنین حفظه الله نینگ امرلری اطاعت بولیشی باره سیده تاکیدلب، مامورلر اسلامی درس لرده دایمی روش ده حضورلری بولیشیگه توجه قیلیشلری کیره ک دیدی.
عین حالده آجندا اساسیده مذکور ییغیلیش ده گی ایرکین بحث ده تورلی اداره لر مسووللری فکر و ملاحظه لری، توضیحات، پیشنهاد و معلوماتلرینی اشتراکچیلر بیلن شریک قیلدیلر.#
