افغانستان اسلام امیرلیگی ریاست الوزراء مقامی دفتری عمومی باشلیغی حرمتلی داکتر ملا عبدالواسع بوگون توشدن آلدین افغانستان صناعت و کانلر اتاقی باشلیغی و اعضالری بیلن ارگ ده کوریشدی.
بیرینچیدن افغانستان صناعت و کانلر اتاقی باشلیغی حاجی شیرباز کمین زاده باشقه لر نماینده لیگیده صحبت قیلیب، فابریکه لرنی ملی سرمایه دیب افغانستان صناعت و کانلر اسلام امیرلیگی رهبریتی و مسووللری ارقلی حمایت بولگنیدن قدردانلیک قیلدی. شونینگ دیک مذکور اتاق فعالیتی حقیده هر تامانلمه معلومات بیردی.
اونگه کوره، افغانستان صناعت و کانلر اتاقی تورلی تولیدات آرقلی وطنداشلریمیزنینگ ایچکی احتیاجلرینی تامینلش دن علاوه مینگلب کیشینی ایش جایلری بیلن تامینله گن. اونگه کوره، افغانستان صناعت و کانلر اتاقی رواجله نیش یونلیشیده اساسی قدملر کوترگن و برق همده ییر ساحه سیده گی موجود قیینچیلیک برطرف ایتیلگن حالده بولرنینگ رواجله نیشی کوپراق بوله دی.
شونینگدیک صناعت و کانلر اتاقی باشلیغی ریاست الوزراء مقامی دفتری عمومی باشلیغی نی صنعت هفته سی نینگ ملی و خلق ارا تورتینچی کورگزمه سیگه اشتراک قیلیب بو اتاق نینگ تورلی محصوللرینی یقیندن کوریشنی ایسته دی.
کیینچه لیک کابل صناعت و کانلر اتاقی بیرینچی اورین باسری حاجی ظریف ګل ځدراڼ صنعت و صنعتچیلر اسلام امیرلیگی آرقلی حمایت بولگنیدن تشکرلیک قیلیب، ولایتلرده صنفی جوازلر بیریش و صنعتی پارک لرده قباله سی بولگن فابریکه لر اوچون کانکریتی هنگرلر توزه تیش رخصتی بیریلیشی کبی پیشنهادنی شریک قیلدی.
ریاست الوزراء مقامی دفتری عمومی باشلیغی حرمتلی داکتر ملا عبدالواسع اولرنی خوش کیلیب سیزلر دیب، صنعت و تجارتنی بیر-بیریگه لازم و ملزوم دیب، فتح دن سونگ مملکت ده تیمیر ایشلب چیقاروچی فابریکه لرینی کوریشدن خوشحال ایکنینی ایتدی. اونگه کوره، فابریکه لر تورلی تولیدات دن علاوه ایش فرصتلرینی یره تیش هم فایده لی دیر. او هرات گه بولگن اوچ کونلیک سفری و نیچه فابریکه نی کوریش دن خرسند ایکنینی تیلگه آلدی.
حرمتلی داکتر ملا عبدالواسع اوزی نینگ صحبتلری یکونیده اسلام امیرلیگی رهبریتی و مسووللری مملکت آبادانلیگی و ترقیاتی اوچون اخلاص و توجه لری بار و بو باره هیچ کوشش نی دریغ ایتمه یدیلر. تاجرلر، سرمایه یاتقیزوچیلر، صنعتچیلر و برچه آدملر بو یونلیش ده اسلام امیرلیگی نی همکارلیک قیلیشی کیره ک.
