بوگون ایرته‌لب افغانستان اسلام امیرلیگی ریاست الوزراء ادار اورین باسری مولوی عبدالسلام حنفی صنعت هفته سی نینگ تورتینچی ملي و خلق ارا کورگزمه‌سی نینگ آچیلیش مراسمیده اشتراک ایتدی و نطق سوزله‌دی.
کورگزمه نینگ آچیلیش مراسمیده جناب مولوی عبدالسلام حنفی مذکور کورگزمه نینگ تشکیل ایتیلیشینی یوقاری بهالب، شونده‌ی دیدی، افغانستان اسلام امیرلیگی صنعت و محلي ایشلب چیقریش نینگ رواجلنیشینی هر قنده‌ی یول بیلن قوللب - قوّتله‌یدی.
حرمتلی مولوی عبدالسلام حنفی، بوگون مملکتده خوفسیزلیک و برقرارلیک تأمینلنگن و اقتصادیات نینگ تورلی ساحه‌لریده سرمایه کیریتیش یونه‌لیشیده ثمره‌لی فعالیتلر آلیب باریلماقده. امید قیله‌میزکی، افغانستان جَنوبي و مرکزي آسیا اورته‌سیده‌گی علاقه مرکزیگه ایلنیشی آرقه‌لی مملکتیمیز اوچون مثلی کوریلمه‌گن اقتصادي فایده‌لر تأمینلنه‌دی.
ریاست الوزراء اداری اورین باسری، اسلام امیرلیگی حاکمیتگه کیلگنیدن سونگ مملکت نینگ تورلی حدودلریده رواجلنتیریش لایحه‌لرینی عملگه آشیریش باره‌سیده ضرور چاره‌لر کوریلگن. سونگگی ایکّی ییل ایچیده سوو و برق، قیشلاقنی تیکلش و رواجلنتیریش همده ایکینچلیک، سوغاریش و چارواچیلیک وزیرلیکلری آرقه‌لی ۳۴۰دن آرتیق توغان (چېک-دَم) قوریلگن، شونینگدیک، حلقه و عمومي یوللر نینگ ترمیمی و کوپلب کیچیک-کتّه لایحه‌لر بو نینگ نمونه‌لریدن دیر.
شونینگدیک حرمتلی مولوی عبدالسلام حنفی اوز سوزیده کیلگوسی بیر ییل یاکه بیر یریم ییل ایچیده ۵۰۰ کیلوالتلی برق لینی مملکت شِمالیدن کابلگه اولنه‌دی و اوشبو لایحه موفقیتلی عملگه آشیریلسه، بو لین یونه‌لیشیده جایلشگن ولایتلر ۲۴ ساعتلیک برق یاروغلیگی تأمینلنه‌دی بو ایسه صنعت و محلي ایشلب چیقریش رواجیده مهم قدم بوله دی دیب تاکیدله دی.
شو کبی ریاست الوزراء اداری اورین باسری محلي محصولاتلر و صناعتچیلرنی قطعي قوللب-قوّتلشینی تیلگه آلدی و شونده‌ی دېدی، اگر محلي ایشلب چیقریش ۵ فایزگه آشسه، ۵ فایز مقدارده واردات کمه‌یه‌دی ایچکی ایشلب چیقریشده اوزیمیزنی تولیق تأمینله‌ی آلسه‌ک، چیت ایلگه صادر قیلیش صلاحیتیمیز هم آرته‌دی.
حرمتلی مولوی عبدالسلام حنفی اوز سوزی نینگ باشقه بر قسمیده اگر چیت ایللرده فعالیت یوریته‌یاتگن افغان تدبیرکار و سرمایه‌دارلر اوز فابریکه‌لرینی مملکتگه کوچیریشنی ایسته‌سه‌لر، اولر بیش ییل دوامیده برچه سالیق/ مالیه تورلریدن آزاد ایتیله‌دی و اولر اوچون صنعت پارک لریدن ییر اجره‌تیله‌دی.
عین حالده حرمتلی مولوی عبدالسلام حنفی اوزی نینگ نطقی نینگ یکونیده مولوی اسلام امیرلیگی مملکت ایچیده‌گی هر قنده‌ی سرمایه‌نی آلقیشله‌یدی و تدبیرکارلر همده سرمایه یاتقیزوچیلر اوچون ضرور شرایطلرنی یره‌تیب بیره‌دی.
