افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی پکتیکا ولایتیده قیتیب کیلگن مهاجرلرگه ینگی یشش شهرچه آچیب بیردی.
شهر سازلیک و اوی جای قوریش وزیرلیگی سرپرستی حرمتلی مولوی حمدالله نعامی، پکتیکا ولایتی والیسی معاونی، علما، قوم بویوکلری و ولایت نینگ باشقه محلی مسووللری حضوریده صحبت قیلگن حرمتلی مولوی عبدالسلام حنفی نینگ ایتیتشیچه، مملکت اشغالچیلر تامانیدن اشغال ایتیلگن زمانده بیر قنچه افغانلر دین نی دفاع قیلیش و مال و ملکلرینی سقلش مقصدیده تورلی مملکتلرگه هجرت قیلدیلر و ایندی ایسه بو اولکه داشلریمیز قوشنی مملکتلردن جبرن چیقاریله یپتی، لیکن مهاجرلر قیینچیلیگینی تیرگیش عالی کمیسیون تامانیدن آزیق آوقت، تازه ایچیملیک سوو، وقتینچه لیک یشش اوی، ساغلیق خذمتلر، تعلیم و ترانسپورت بوییچه خذمت کورسته دیلر.
حرمتلی مولوی عبدالسلام حنفی قوشنی و باشقه مملکتلردن افغان مهاجرلری جبری چیقاریلیش لایحه سینی غیر اصولی دیب تاکیدلب ایتیشیچه، اسلام امیرلیگی نینگ رهبریتی و مسووللری برچه امکانیت بیلن جبری چیقاریله دیگن وطنداشلریمیزگه یخشی خذمت قیلیش اوچون تلاش قیله دیلر تاکه اولر مملکت ایچکریسیده تینچلیک و آسایشته لیک ده یشیب حیات کیچیرسه لر.
ایتیش کیره ک که مذکور شهرچه اوچ یریم مینگ جریب ییرده ۱۶۵۲ یشش نمره گه نظرده توتیلگن برچه انسانی احیتاجلر عنابت گه آلینگن حالده پکتیکا ولایتی مرکزی شرنه شهریده قوریله دی و مهاجرلر قیینچیلیگینی تیرگش عالی کمیسیون تامانیدن مستحق تانیلگن مهاجرگه شفاف بیر پروسه ارقلی توزیع قیلینه دی.
