افغانستان اسلام امیرلیگی کابینه سی نینگ ییگیرمه بیرینچی ییغینی افغانستان اسلام امیرلیگی ریاست الوزراء باش وزیری حرمتلی الحاج ملا محمدحسن آخند رهبرلیگیده بولیب اوتدی.
کابینه ییغینی قرآنکریم دن بیر نیچه آیت تلاوت قیلینیشی بیلن باشلندی و کیینچه لیک مملکت مهم اقتصادی، اجتماعی و فرهنگی موضوعلری اوستیده بحث بولیب قرار قبول قیلیندی.
بو ییغین ده سیار ساتووچیلر طرحی تنظیم و ۴۰ فایزلیک تخفیف بیلن رهبریت آرقلی تصدیق و تایید قیلیندی.
شونینگدیک اقتصادی زونلر تیکشیریش کمیته گزارشی تصدیقلندی و صنعت و تجارت وزیرلیگیگه بو موضوعگه تیگیشلی ایشلرنی تعلقلی اداره لر هماهنگلیگیده آلغه آلیب باریشی اوچون وظیفه تاپشیریلدی.
ایتیش کیره ک که کابینه بو ییغینی تورلی موضوعلر اوستیده بحث و قرار قبول قیلینگندن کیین دعا خیر بیلن توگه دی.#
