افغانستان اسلام امیرلیگی ریاست الوزراء اداری اورین باسری رحمتلی مولوی عبدالسلام حنفی شهر قوریش و مسکن وزیرلیگی سرپرستی حرمتلی مولوی حمدالله نعمانی، ولایت اورین باسری حرمتلی مولوی خال محمد حقانی، عالملر، مشایخلر، نفوذلی کیشلر و ولایت نینگ محلی مسووللری حضوریده بوگون توشدن سونگ سرپل ولایتی سید آباد اولسواللیگیده بیر مینگ جریب ایکی یوز قیرق ییتی جریب ییرده اولکه گه قیتیب کیلگن مهاجرلر اوچون شهرچه آچیب بیریلدی.
برچه شهری امکانیت لر نظرده توتیلگن مذکور شهرچه ده آچلیشی مراسمیده ریاست الوزراء اداری اورین باسری نینگ ایتیشیچه، اسلام امیرلیگی نینگ رهبریتی همده مسووللری اولکه گه قیتیب کیلگن وطنداشلریمیز تینچلیگی همده آسایشته لیگی اوچون کیچه و کوندوز تلاش قیله دیلر و اولرگه لازم آسانلیک یره تیب بیره دیلر.
حرمتلی مولوی عبدالسلام حنفی اسلام امیرلیگی تامانیدن اولکه گه قتیب کیلگن مهاجرلرگه یخشی خذمت کورسه تیش مقصدیده تورلی کمیته لرگه تورلی بولیملر جمله دن تازه ایچیملیک سوو، آوقت، کمپلرده وقتینچه لیک یشش، مهاجرلرنی اصلی جایلریگه ییتکزیش بولیمده خذمت قیلیشگه وظیفه تاپشیریلگن دیدی.
