افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر بوگون ارزگان ولایتی نینگ دهراود اولسواللیگیده گی کجکی توغانی برق ییتکزیش ییریک پروژه سینی آچیب بیردی.
انه شو مناسبت بیلن اوتکزیلگن مراسمده ریاست الوزراء اقتصادی اورین باسری نینگ ایتیشیچه، پاک انرژیدن فایده لنه دیگن بو قبل پروژه لر نه فقط افغانستان مقامتینی اقلیم اوزگریشی برابریده کوپه یتیره دی، بلکه دنیا اقلیمی پاک سقله نیشی اوچون هم ثمره لی نقشی بوله دی.
اونینگ سوزلریگه کوره، افغانستان اوزاق اوتمیش دن بیری وارداتی برق گه تکیه قیلیب کیلگن و مملکت درآمدی نینگ کته قسمی برق وارد قیلیش ده صرفلنه دی، حال بوکه وارد قیلینه دیگن برق هم قیمت توشه دی و هم ایشانچی و پایدار منبع حسابلنمیدی. بنابراین، برق ایشلب چیقاریش ده ایچکی منبعلردن فایده له نیش استه سیکین افغانستاننی وارداتی برق ه بولگن قرم لیگینی کمه یتیره دی و مملکت نی اوز ایاغیگه تورغیزه دی.
شونینگ دیک ریاست الوزراء اقتصادی اورین باسری بوندی ارزان منبعلی پروژه لردن دن برق ایشلب چیقاریش، ضررلی گازلرنی تولید قیلمه یدی بلکه اقلیم اوزگریشیگه قرشی کوره ش ده کمک قیله دی و انرژی بولیمیده هم پایدار ثبات ایجاد قیله دی. بو پروژه لر سرمایه یاتقیزیش، تولید ظرفیتی، اشتغال، ارزنینگ چیقیشی نینگ آلدینی آله دی و نهایت مملکت اقتصادی اوسیشیگه یاردم بیره دی.
شونینگدیک اقلیم اوزگریشی نینگ افغانستانگه قالدیره جک منفی تاثیراتی باره سیده ایتیشیچه، دنیا اقلیمی اوزگریشی اوچون افغانستان نینگ هیچ نقشی یوق، لیکن تاسف بیلن صنعتی مملکت لرده گی ایشلب چیقاریش نتیجه سیده اقلیم اوزگریشی زیان کوره دی.
اسلام امیرلیگی حاکمیتیدن سونگ پاک انرژی ایشلب چییقاروچی کوپینچه پروژه لر بیرلشگن ملتلر تشیکلاتی تامانیدن توخته تیلدی و بیر قنچه پروژه لر قیته دن آچیلدی.
یکونده او پاک انرژی حمایتچی سی بولگن بیرلشگن ملتلر تشکیلاتی خلق ارا تشکیلاتلردن مشترک مسوولیت یونلیشیده افغانستان بیلن لازم همکارلیک بجریب و توخته تیلگن پروژه لرنی قیته باشلشنی سوره دی.
ایتیش کیره ک که برق ییتکزیش بو پروژه کجکی بندیدن دهراود اولسواللیگیگه قدر افغانستان برق شرکتی نیگ مالی حمایتی بیلن ۲۰۱ میلیون افغانیگه تطبیق ایتیله دی و بونینگ تکمبل بولیشی بیلن ۴۵۰۰ عایله برق یاروغلیگیدن فایده لنه دیلر.#
