افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ پنجشیر ولایتی والیسی حرمتلی حافظ محمد آغا حکیم بیلن اوچرهشدی.
اوشبو اوچرهشووده دستلب پنچشیر والیسی حرمتلی حافظ محمد آغا حکیم گپیریب، ولایت نینگ اجتماعی، اقتصادی و حکومتدارلیگی قوشیمچه اوزی نینگ فعالیتی و ایشلری حقیده ریاست الوزراء اداری اورین باسرلیگیگه معلومات بیردی.
اونینگ سوزلریگه کوره، ولایت ده بوتونلهی امنیت تامینلنگن و اهالیگه خدمت و خلق نینگ قیینچیلیگی حل ایتیلیشی اوچون محلی مسووللر سعی و تلاش قیله دیلر.
پنجشیر ولایتی والیسی اسلام امیرلیگی نینگ ایریم بولیملرگه توجه قیلگنیگه اشاره قیلیب، دینی مدرسهلر، مکتبلر و ولایت نینگ اوزاق منطقه لریده صحی کلینیکلر و ترقیات پروژه لر عملگه آشیریلیشی اوچون توجه قیلیشلرینی سورهدی.
ریاست الوزراء اداری اورین باسری حرمتلی مولوی عبدالسلام اوچرهشوو دن خورسندلیک قیلیب، پنجشیر ولایتی محلی مسووللری فغعالیتی و ایشلرینی آلقیشلهدی.
ریاست الوزراء اداری اورین باسری مملکت بویلب امنیتنی تامینلش و اهالی قیینچیلیکلرینی انیقلب اونی برطرف ایتیش اسلام امیرلیگی نینگ اولویتلریدن دیر و محلی مسووللر بو خصوصده تلاش قیلیشی ضرور دیب ایتدی.
حرمتلی مولوی عبدالسلام حنفی بیلدیریلگن پیشنهادلر توغریسیده ایتیشیچه، اسلام امیرلیگی ممکن قدر بو بارهده اعتبار قرهتهدی.#
