افغانستان اسلامی امارت ریاست الوزراء اداری ایشلر بوییچه اورین باسری حرمتلی مولوی عبدالسلام حنفی بوگون توشدن آلدین بیرلشگن ملتلر تشکیلاتی نینگ قاچقین بوییچه عالی کمیشنری فلیپو گراندی بیلن اوچره شیب ملاقات قیلدی.
افغانستان اوچون بیرلشگن ملتلر تشکیلاتی نماینده سی نینگ اورین باسری رامیز الاکبروف و افغانستان ده قاچقینلر ایشلری بوییچه بیرلشگن ملتلر تشکلاتی دفتری عالی کمیشنری باشلیغی خانم کارلین و نبرن حضوریده ارگ ده بولیب اوتگن اوچره شووده، مذکور اداره نینگ فعالیتی قنده یلیگی و ایچکی آواره لرگه یخشی صورت ده خذمت کورسه تیش باره سیده بحث آلیب باریلدی.
بیرلشگن ملتلر تشکیلاتی نینگ قاچقینلر بوییچه عالی کمیشنری فلیپو گراندی، مذکور تشکیلات ۱۹۷۹ ییل دن بیری افغانستانلیک مهاجر توغریسیده پاکستان و ایران ده ایشله گن و حاضر هم اوز فعالیتلریگه دوام بیره دی دیدی.
اونینگ سوزلریگه کوره، افغانستان ده امنیت تامینله نیشی خلق قه یخشی فرصت نی یره تگن و مملکت مهاجرلر بوییچه وزیرلیک بیلن کوپراق همکارلیک قیله میز و سونگگی نیچه آی ایچیده ۱۷۶ مینگ عایله قیته دن اوز اوی جایلریگه قتگنی اوچون خورسند میز.
مهاجرلر افغانستانگه قیتیشی اوچون اعتماد همده تشویق فضاسی ایجاد بولیشی باره سیده تاکیدله گن فلیپو گراندی نینگ سوزلریگه کوره، افغانستان نینگ بیش ته ییریک شهری و اولسواللیکلر شامل ۵۵ ساحه مهاجرلر کیلیشی اوچون انیقلنگن دیر و بو ساحه لرده بشری کمک لردن تشقریده قیته قوریش و عمرانی ایشلرنی هم بجره میز.
سونگره، حرمتلی مولوی عبدالسلام بیرلشگن ملتلر تشکیلاتی نینگ قاچقینلر بوییچه کمیشنرلیگی نینگ افغانستانده گی فعالیتینی آلقیش لب، سابق شوروی نینگ افغانستانگه باستیریب کیریشی بیلن مملکت ده مهاجرلر باشلندی دیب، اسلامی امارت قاچقینلر دوباره مملکت گه کیلیشی اوچون ایچکی آواره لرگه یشش جای شرایطی یره تیلیشی اوچون هر قنده ی بیر همکارلککه تیار دیب ایتدی.
اونگه کوره، مجاهرلرنینگ اولکه گه قیتیشی نینگ مهم عاملی، امینت تامینلهنیشی و شهروندلیک حقوقی دیر الحمدالله حاضر بو شرایط یره تیلگن، وطنداشلریمیزنینگ شرف، عزت و حیثیت محفوظ دیر.
ریاست الوزراء نینگ اداری ایشلر بوییچه معاونی مملکت گه قیته دیگنلر اوچون فقط گینه بشری یاردملر ییترلی ایمس، بلکه اولرنی ایش جایلری بیلن تامینلش اوچون هم زمینه یره تیلیشی ضرور دیر و بو ایش ایسه ترقیات لایحه لر عملگه آشیریلیشی بیلن ممکن دیب قوشیمچه قیلدی.
