افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر، چیت ایلده یشاوچی افغان یازوچی ژورنالیست و سیاستچی زرغون شاه شینواری بیلن اوچرهشدی.
اوشبو اوچره شووده، حرمتلی شینواری افغانستانگه اوزی نینگ سفری باره سیده معلومات بیریب ایتیشیچه، اسلام امیرلیگی حاکمیتگه کیلیشی بیلن مملکت برقرارلیگی تامین بولگن غضب، فساد، زوروالیک و عدالتسیزلیک یوقالگن.
اونینگ سوزلریگه کوره، اولر بیر قطار افغانستانلیک متخصص، یازوچی و بیلیمدانلر بیلن تعامل، مناسبت و مملکت دن تشقریده گی افغانلرنی اسلام امیرلیگی بیلن همکارلیک قیلیشی اوچون سعی وحرکت قیله دیلر.
اونینگ قوشیمچه قیلیب ایتیشیچه، افغانستان نینگ عینی واقعیت شرایطلری چیت ایلده یشاووچیلر عاموی اخبارات واسطه لری همده اجتماعی ترماقلردن کوره دیگنلریدن جوده فرقلی دیر.
ریاست الوزراء سیاسی اورین باسری حرمتلی مولوی عبدالکبیر حرمتلی زرغون شاه شینواری و اونینگ یولداشلرینی خوش کیلیب سیزلر دییش دن سونگ، اسلام امیرلیگی برچه افغانلر اینیقسه بیلیمدان، یازوچی و متخصصلرنینگ نظر و پیشنهادلرینی خوش قرشیله یدی.
شونینگدیک اونینگ سوزلریگه کوره، افغانستانده سونگی ایکّی ییل ایچیده اساسی ایش و رواجله نیشلر بولگن و اقتصادی ترقیات و آسایشته لیک اوچون ایشلر جریانی بار دیدی.
حرمتلی مولوی عبدالکبیر اوزی نینگ صحبتلری اداغیده، اسلام امیرلیگی دنیا بیلن مثبت تعامل ایسته یدی و ایکی ییل ایچیده برچه تعهدلریگه عمل قیلگن دیب تاکیدله دی.
