ریاستالوزرا اقتصادی اورین باسری ملا عبدالغنی برادر آخند بوگون مزارشریفده، حیرتان _ مزار شریف تیمیر یولینینگ بیشینچی ترماغینی قیتهدن آچیب ایشگه توشیردی.
ریاستالوزرا اقتصادی اورین باسری ممکلتنینگ تیمیر یولی ترماقلری اوچون عامه منفعتلر وزیرلیگینینگ قیلگن سعی_حرکتلری همده اوزبیکستان ممکلتینینگ بو حقده همکارلیکلرینی آلقیشلهدی.
او کیشیگه کوره افغانستان و اوزبیکستان ارا سودا همده اقتصادی علاقهلر اوتمیشدن کوره مستحکملنگن و ینهده کوچهیشی اوچون تیگیشلی ادارهلردن بلخ حاکمی باشلیگیده مشترک کمیته ایشگه باشلهگن.
ایتیش کیرککه مزارشریف _حیرتان تیمیر یولینینیگ بیشینچی ترماغی ۷۰ کیلومتر اوزونلیک، ۳۰ کیلومتر فرعی خطلر و بیش استیشندن عبارت بولیب شونینگدیک ۵۰ واگن بوشهتیش ظرفیتیگه ایگه.
اوشبو ترماق ایشگه توشیشی بیلن، تجارت تاورلرینینگ کوپهلیشی همده جونهتیلیشیده سېزیلرلی قولیلیکلر قولگه کیریتیلشی ممکن.#
