ریاست الوزراء سیاسی اورین باسری همده کفیل حرمتلی مولوی عبدالکبیر بوگون کیچ زابل و لغمان ولایتلری نینگ امنیه قوماندانلری و پاکستان نينگ کراچی شهریدهگی افغانستان جنرال کنسولی بیلن ایری - ایری اوچره شیب ملاقت قیلدی.
زابل امنیه قوماندانی قاری صلاح الدین و لغمان ولایتی امنیه قوماندانی مولوی نجیب الله اوشبو ولایت امنیتی وضعیتی و پولیس حقیده ریاست الوزراء سیاسی اورین باسری همده کفیل گه معلومات بیردی.
اونینگ سوزلریگه کوره، ایچکی ایشلر وزیرلیگی نینگ بویروغی اساسیده مذکور ولایتلرده پوليس منتطم و حربی تعلیم دن اوتکزیش دوام ایتماقده.
عین حالده پاکستان نینگ کراچی شهریدهگی افغانستان جنرال کنسولی حرمتلی مولوی سید عبدالجبار، پاکستان نینگ اسلام آباد شهریدهگی افغانستان ایلچیلیگی سعی وحرکت بیلن پاکستان تورمهلریده گی افغان محبوسلری آزاد قیلیندی و اسلام امیرلیگی همکارلیگی بیلن کابلگه آلیب کیلیندی دیدی.
اونینگ قوشیمچه قیلیشیچه، کراچی شهریده کنسولگرلیک عادی حالتده ایشله یدی و کونده اونلب افغان مراجعه ایته دی.
ریاست الوزراء سیاسی اورین باسری همده کفیل حرمتلی مولوی عبدالکبیر کیلگن مسووللرنی ایشلر یخشی صورتده بجریلیشی اوچون لازم هدایت تاپشیریب پولیس مسلکی یولیشی اولویت گه نظرده توتیلیشینی تیلگه آلدی.
حرمتلی مولوی عبدالکبیر اوزی نینگ سوزلری اداغیده کراچی شهریدهگی کنسولگرلیک نینگ خدمتی تیزلشتیریلیشی حقیده تاکیدلهدی.
