افغانستان اسلام امیرلیگی ریاست الوزراء عمومی دفتری باشلیغی حرمتلی داکتر ملا عبدالواسع سیاحتی شرکتلر بیرلشمه سی باشلیغی، اعضالری و دولت نینگ حج عمره اداره سی مسووللری و نماینده لر بیلن بوگون ارگ ده اوچره شدی.
ریاست الوزراء عمومی دفتری ریاستی نینگ سیاسی و مردمی ایشلر بوییچه باشلیغی مولوی گلزار احمد حقانی حضوریده بولیب اوتگن بو اوچره شووده، اوشبو نماینده لر اوز قیین چیلیک و پیشنهادلرینی قتنشگنلر بیلن شریک قیلدیلر.
سیاحتی شرکتلر بیرلشمه سی باشلیغی الحاج حسن زی منگل حکومت تامانیدن شرکتلر ایریم جوازلر بیریلیشی، حج و عمره ایشلریگه ایریم اداره لر نینگ اره له شیشی، موجود کاغذ پرانلیک، حج و عمره پروسه سیگه شفافیت آلیب کیلیش و مالیات تولش دن قاچیش نینگ آلدینی آلیش شامل اوز قیین چیلیک و پشنهادلرینی بیان قیلدیلر.
حرمتلی داکتر ملا عبدالواسع خلق و اینیقسه خصوصی سکتور بیلن بونده ی اوچره شیش اسلام امیرلیگی و خصوصی سکتور اورته سیده علاقه نی تامینلش، معمالرنی ییچیش یخشی ایش شرایطینی یره تیش دیب ایتدی.
اونینگ سوزلریگه کوره، بیر منتظم چوکات یولی بیلن سیزلرنینگ قیین چیلیکلرینگیزگه حل یول تاپیله دی تاکه حج و عمره کیته دیگنلر و سیاحتلرگه قولیلیک ایجاد بولسین.
ریاست الوزراء عمومی دفتری باشلیغی اوزی نینگ صحبتلری اداغیده اولرنینگ پیشنهادیدن منتدارچیلیک قیلیب، مذکور موضوعلر تعقیب بولیشی اوچون کیله جک ده ییغین اوتکزیله دی حاضرگی قیین چیلیک و ایستکلرینگیزنی تیگیشلی اداره لر مسووللری بیلن شریک قیلینه دی.
