افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن کیین مصر، سودان، لبیا و فلسطین اولکه لری بیر قطار دین عالملری هیاتی بیلن اوچره شدی.
اوشبو اوچره شووده بیرینچیدن، الشیخ دکتور محمد صغیر، دوکتور عبدالحی یوسف، الشیخ سامی الساعدی، الشیخ دکتور محمد عبدالکبیر، الشیخ ماهر سالم و شیخ دکتور نواب التکروی گپیریب، افغانستانده قیته دن اسلامی نظام اورنه تیلیشیدن خورسندلیک قیلدیلر.
مذکور هیات افغانستان خلقی نینگ اشغالچی کوچلرگه قرشی کوره شیندن منتدارچیلیک قیلیب، اسلامی نظام نی مینگلب شهید و افغانستان خلقی نینگ کته قربانلیگی نینگ ثمره سی دیدیلر.
امیرالمومین شیخ هبت الله آخندزاده حفظه الله تامانیدن اعلان قیلینگن عمومی عفونی آلقیش ایتگن بو دین عالملری، مذکور عمومی عفو افغانستان ایچیده مینگلب کیشی نینگ جانی قوتقریلیشی و مسلمان امتلری نینگ دنیا بویلب خوش لیگیگه سبب بولدی دیدیلر.
ریاست الوزراء اداری اورین باسری حرمتلی مولوی عبدالسلام حنفی اوشبو دین عالملری نی خوش کیلیب سیزلر دیب ایتیشیچه، افغانستان خلقی سناق سیز قربانلیک بیرگن دن کیین اولکه لرینی آزاد و بیر اسلامی نظامگه ایگه بولدیلر.
حرمتلی حنفی جنابلری اوزاق ییللردن کیین افغانستان واحد بیر حکومت گه ایگه بولدی، امنیت تامینله نیشی، فسادگه قرشی کوره شیش، مخدر ماده، یتیملر و مجاهدلر بیوه لری کفالتی اوچون موفق بیر میکانیزم یره تیب شونینگدیک مخدر ماده لرگه بیریلگنلرنی ییغیش نی عملگه آشیردی دیب قوشیمچه قیلدی.
ریاست الوزراء اداری اورین باسری نینگ سوزلریگه کوره، اسلام امیرلیگی ایریم اولکه لرنینگ دین عالملریدن میزبانلیک قیله یاتگنی اوچون جوده خورسند من و اسلام امیرلیگی بیلن باشقه مملکتلر دین عالملری اورته سیده دایمی علاقه تامینلنسن و عالملر ایسه حقیقتلرنی باشقه لرگه ییتکزسینلر.
