ریاستالوزرا اقتصادی اورین باسری ملا عبدالغنی برادر آخند جنابلری باشچلیگیده بوگون تدارکات کمیسیونی نینگ نوبتدهگی ییغینی مرمرین قصریده بولیب اوتدی.
اوشبو ییغنده آجنداگه موافق ۳۱ ته لایحه منظور آلیش اوچون یوباریلدی.
بحثدن کیین، ۴.۲ میلیارد افغانی ارزشگه ایگه ۱۵ ته لایحه منظور قیلینیب، ۷ ته باشقه لایحهگه بیر قطار تعدیللر کیریتیلدی.
اوشبو ییغنده، ۴ لایحه اوچون تعیین بولگن کمیتهلرگه یوتگن شرکتلر بیلن لایحهلرنی قیمتی آرقلی مذاکره قیلیش بوییچه و اونی حساباتینی تدارکات کمیسیونی نینگ باشلیگیده بیریش وظیفهسی تاپشیریلدی.
شونینگدیک باشقه ایکی لایحه اوچون مقید دواطلبلیککه تاپشیریش قراری آلیندی.
اوشبو تعدیل همده تصدیقلنگن لایحهلرگه، غزنی ولایتینینگ بند زردالو جیوتخنیک مطالعاتینی بتیریش، بلخ ولایتی حیرتان بندرگاهینینگ ۱۴ کیلو متر سرکینی اعمار قیلیش، حصهی اول کابل_ لوگر نینگ تا سنگ نوشته حدودیگچه بیر سرکنی توزیش، فاریاب ولایتینینگ لولاش، غزنی ولایتینینگ اندر، دایکندی ولایتینینگ کجران، بادغیس ولایتینینگ بالامرغاب، بامیان ولایتینینگ کهمرد همده خوست ولایتینینگ موسی خیل تومنلریده عمومی کسلخانهلرنی قوریش، شونینگدیک ایریم ولایتلرده برق ییتکزیب بیریش لایحهلرنی قالگن ایشلرینی بتیریشی شاملدیر.
تصدیقلنگن لایحهلر اسلام امیرلیگی تامانیدن تمویل قیلینهدی.#
