افغانستان اسلام امیرلیگی ریاستالوزرا اداری اورینباسری حرمتلی مولوی عبدالسلام حنفی بوگون عصر چاغیده فاریاب ولایتینینگ حاکمی حرمتلی مولوی محمد حنیف حمزه بیلن اوچرهشدی.
اوشبو اوچرهشووده دستلب، فاریاب حاکمی بو ولایتنینگ عمومی وضعیتی حقیده صحبت قیلیب، محلی مسؤوللرنینگ ایش و فعالیتلریدن ریاست الوزرا اداری اورینباسریگه حسابات بیردی.
اوکیشی، اوشبو ولایتده بوتونلی خوفسیزلیک تأمین، مجاهدلر همده محلی مسؤوللر خدمت کورسهتیش یانیده خلقنی معمالریگه ییتیشیب تورگن ایکنلیکلرینی اورغولهدی.
فاریاب حاکمی شونینگدیک، اوشبو ولایتنینگ اهالیسیگه تیگیشلی تورلی بولیملر و علیحده سوو توغانلرینی قوریش همده باشقه رواجلنتیریش لایحهلر حقیده بولگن ایستکلر و تکلیفلرینی حرمتلی ریاستالوزرا اداری اورینباسریگه ییتکیزدی.
ریاستالوزرا اداری اورینباسری حرمتلی مولوی عبدالسلام حنفی فاریاب ولایتینینگ محلی مسؤوللرینی ایش و فعالیتلرینی آلقیشلش یانیده، اجتماعی آسایشتهلیگ و خوفسیزلیکنی تأمینلش همده خلقنی قیینچیلیکلرینی ییچیش اسلام امیرلیگینینگ مسوولیتلریدن ایکنلیکینی ایتیب، محلی مسؤوللرنی بو یولده کوپراق سعی_حرکت قیلیشلرینی سورهدی.
حرمتلی مولوی عبدالسلام حنفی جنابلری سورهلگن ایستکلر حقیده، افغانستان اسلام امیرلیگی بو زمینهده ییتیشیب عملی آدیملرنی کوتاریشینی ایتدی.#
