افغانستان اسلام امیرلیگی ریاست الوزراء دفترینینگ عمومی باشلیغی حرمتلی داکتر ملا عبدالواسع بوگون توشده چینلیک سرمایه یاتقهزوچی آقای وانگ بن چیانگ و بیرلهسیدهگی هییت بیلن ارگده اوچرهشدی
سیاسی و اجتماعی ایشلر بوییچه باشلیغی حرمتلی شیخ محمود ذاکری هم اشتراک ایتگن اوشبو اوچرهشووده، آقای وانگ بن چیانگ افغانستان کیلگنیدن خرسندلیک بیلدیریب، اسلام امیرلیگی تورلی ترماقلرده یخشی یوتوقلری بار ایکنلیکینی ایسلب، افغانستانده کانلر همده موجود فرصتلرگه کوره اوشبو ممکلتده سرمایه یاتقیزیشیگه علاقمند ایکنینی اورغولهدی.
اوکیشی، یوقاری بنا قوریشلر، کته سرکلر، تونللر، کانلرنی چیقاریش، نفت تصفیهلش توغانلر همده برق بولیملریده کافی تجربه همده تکنالوژی سیگه ایگه بولگنینی اورغولب، افغانستانده سرمایه یاتقیزیش حالده اولرنی بو ممکلتگه کیلتیریشینی تیلگه آلدی.
شونینگدیک، صادر قیلیشلر کوپهلیشی همده افغانستان بیلن آسیا مملکتلری ارهسیده سودا قولیلیکلر یرهتیلیشی اوچون، شاه یوللر بولیمیده اساسی حالده سرمایه کیریتیشینی ایتدی.
ریاست الوزراء دفترینینگ عمومی باشلیغی حرمتلی داکتر ملا عبدالواسع، اولرنی خوش کیلیبسیز دیگنیدن سونگ، افغانستاننی کانلر ترماغیده یخشی ذخیرهلیک بولگنینی ایتیب، کانلر ترماغی شونینگدیک سالنگ تونللرینی اساسی قوریش، واخان دهلیزی و تورلی ترماقلرده سرمایه یاتقیزووچیلرگه سرمایه کیریتیش زمینهسینی یرهتیب بیرهمیز دیدی.
حرمتلی داکتر ملا عبدالواسع جنابلرینینگ قوشیمچه قیلیشیچه، اسلام امیرلیگی، ایچکی همده تشقی سرمایه یاتقیزووچیلرگه برچه قولیلیکلرنی یرهتیب کوپراق همکارلیک قیلیش اوچون ایشانچ بیردی.
اولردن ایستگیمیز شو که اوز شخصی منفعتلرینی یانیده، افغانستان منفعتلری همده قاعده- قانونلریگه توجه قیلیشلرینی سورهب، هر بولیمده سرمایه یاتقزماقچی بولگنلر اوشه ایشنی معیاری شکلده بجریشلری ضرور. مسلکی اعتبارلری کوپیشی بیلن تشقی سرمایه یاتقزوچیلر شرکتلری و مملکتلرینینگ یخشی شهرتگه ایریشیشلریگه سبب بولهدی.#
