افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون بیر هیات باشچیلیگیده رسمی بیر سفر بیلن ایران اسلام جمهوریتی گه باردی.
اوشبو اوچ کونلیک سفرده ریاست الوزراء سیاسی اورین باسری حرمتلی مولوی عبدالکبیر ایران اسلام جمهوریتی نینگ ینگیدن جمهور رییس صفتیده سیلنگن جمهور رییسی حرمتلی مسعود پژشکیان قسم یاد مراسمیده اشتراک قیلیشدن علاوه بو مملکت ایریم بلند مرتبه لی رسمیلری بیلن ایکی تامانلمه اوچرهشیشی هم کوتیلهدی.
شونینگدیک بو رسمی سفرده افغانستان اسلام امیرلیگی و ایران اسلام جمهوریتی اورته سیده سیاسی و اقتصادی علاقهلر کوچهیشی و بو مملکت ده یشاوچی افغانلر قیینچیلیگی حل ایتیلیشی و همکارلیک بارهسیده بحث قیلینهدی.
ریاست الوزراء سیاسی اورین باسری بو رسمی سفر جریانیده باشقه ایریم دولتلر نمایندهلری بیلن هم اوچرهشهدی.#
