افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ طوطیسبز شرکتی باشلیغی انجنیر برهان الدین، بو شرکت نینگ باشقه بیر قنچه همکارلری و نرم افزار انجنیرلری بیلن اوچره شیب ملاقات قیلدی.
اوشبو اوچره شووده بیرینچیدن طوطیسبز شرکتی نینگ باشلیغی حرمتلی انجنیر برهان الدین صحبت قیلیب اوشبو شرکت آرقلی توزهتیلگن نرم افزار برنامه سی باره سیده ریاست الوزراء اداری اورین باسریگه معلومات بیردی.
اونینگ ایتیشیچه، مملکت ایچکریسیده تورلی بولیملرده اینیقسه نرم افزار بولیمیده یخشی قابلیتلر بار اولرگه شرایط یره تیلگن حالده، یشاوچیلرگه یخشی خذمت کورسه تیش حکومتی و الکترونیکی سیستم بجره آله دیلر.
شونینگ دیک مذکور شرکت آرقلی آنلاین آلیش و ساتیش و بانکچیلیک بولیمیده هم بیر نرم افزار ایجاد بولگنی باره سیده خبر بیریب ایتیشیچه، اوشبو نرم افزار فایده له نیشی اوچون توجه بولیشنی ایسته دی.
کیینچه لیک افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی اوچره شوودن خورسندلیک بیلدیریب، اسلام امیرلیگی برچه کوچی بیلن الکترونیکی حکومتنی کینگهیتیریش و تورلی بولیملرده مصون نرم افزارلردن فایده له نیش اوچون تلاش قیله دی دیب ایتدی.
ریاست الوزراء اداری اورین باسری مملکت یاشلری نینگ تورلی بولیملرده قولگه کیریتگن یوتوقلرینی یوقاری بهالب، اسلام امیرلیگی بونده ی فعالیتلر کینگهیشی و یاشلرنینگ مسلکی قابلیتی کوتریلیشی یولیده هیچ قنده ی سعی و تلاشنی دریغ ایتمهیدی دیب قوشیمچه قیلدی.#
