دینی علوم سیناوی نتیجه سینی اعلان قیلیش مراسمیی اسلام امیرلیگی ریاست الوزراء عالی مقامی دفتری عمومی ریاستی نینگ دعوت و ارشاد ریاستی تامانیدن بوگون توشدن آلدین ارگ نینگ سلام خانه قصریده قرآن عظیم الشان دن بیر نیچه آیت تلاوت قیلینیشی بیلن اویوشتیریلدی.
دستلب دعوت و ارشاد رییسی حرمتلی مولوی محمد هاشم مراسم اشتراکچیلرگه صحبت قیلیب ایتیشیچه، دعوت و ارشاد ریاستی دینی مسایل و احکاملرنی خلق گه ییتکزیش مقصدیده ایجاد بولگن تاکه اولرنینگ بو توغریده معلوماتلرینی آشیرسه. دینی مسایل نی اورگنیش و اونی عملگه آشیریش بیر ضرورت دیر دیدی.
اونینگ سوزلریگه کوره، افغانلر روزدن ایمس، بلکه اوز رضایتلری بیلن مسلمان بولگن لیک افتخاریگه ایگه لر و مکه نی فتح قیلیشده رسول الله بیلن سهیم بولگنلر. او افغانستان مجاهد و مسلمان خلقی نینگ قربانلیگی و برکتی بیلن نیچه مرته اشغالچیلر شکست ییگنلر و الله (ج) یاردمی بیلن بیز مسلمان خلقنینگ قولیمیزده نیچه مرته کافرنینگ غرور شیکست ییگن دیر دیدی.
حرمتلی محمد هاشم نینگ ایتیشیچه، عالیقدر امیرالمومنین حفظه الله و حرمتلی رییس الوزراء بویروغی بو دیر که اداره لر، عایله لر و جامعه نینگ دینی توشوینچه سی آشیریلیشی کیره ک و خلق ایسه صورت و سیرتلرینی شرعی و نبوی طریقه گه بیزه سینلر.
سونگره منابع بشری رییسی حرمتلی مولوی داوود محمدی گپیریب، بونده ی بیر روحانی محفل ده دوستلر بیلن بیرگه ایکنیمندن خورسند من و دعوت همده ارشاد اداره سینی تشکیل قیلیش دن مقصد هم الله بنده لری اورته سیده مذاکره و اونگه یقین بولیش دیر. او، بو توغریده مولوی حسین احمد سعید نینگ سعی و تلاشلرینی تقدیرلب اونی درکلی بیر شخصیت دیب ایتدی.
اونینگ ایتیشیچه، اسلام امیرلیگی نینگ ایستگی بو دیر که اوشه هدف اوچون خداوند متعال بیزلرنی یره تگن دیر و اونگه اولویت بیریش کیره ک و الله تعالی عبادتینی یخشی صورتده بجریش کیره ک دیر. اوزیمیز و عایله میزنی شرغی اصولگه مطابق برابر قیلیب خاص اخلاص بیلن دعوت و ارشاد ریاستی برنامه لریگه اشتراک قیله یلیک.
افغانستان اسلام امیرلیگی ریاست الوزراء عالی مقامی دفتری عمومی رییسی حرمتلی داکتر ملا عبدالواسع اوزی نینگ صحبتلریده ییگیرمه ییللیک قربانلیک و وطنداشلریمیزنینگ تکلیفلریدن مقصد، اشغال توگه شی و شرعی نظام وجودگه کیلیشی ایدی و الحمدالله بو مقصدگه ایریشدیک.
حرمتلی داکتر ملا عبدالواسع: مملکت آبادانلیگی اوچون خوفسیزلیک و امنیت مهم دیر و اسلام امیرلیگی مملکت ده امنیت نی تامین قیلگن و اقتصاد بولیمیده هم یخشی ایشلر بجریلماقده و بو توغریده ملی تاجر همده سرمایه یاتقیزووچیلر سرمایه یاتقیزماقده لر.
اونگه کوره، ییگیرمه ییل ایچیده تاسیسات ویران بولگن دیک عامه خلق نینگ ذهنی هم تحریف قیلیندی، اما الحمدالله اوتگن ایکّی ییلده اوزگریشلر کیلکن و همکارلریمیزنینگ کورینیشیگه شریعت گه برابر بولگن دیر. شرعی لباس الله (ج) و رسول (ص) نینگ مورد قبولی دیر و هر جایگه تاثیری بار.
اونینگ ایتیشیچه، حرمتلی ریاست الوزراء و عالیقدر امیر المومنین حفظه الله تصدیقی بیلن برچه اداره لر ده دعوت و ارشاد ریاستی ایجاد بولدی و دینی مسایل خصوصیده مسووللر نینگ تلاشی تقدیرگه سزاوار دیر. درسلرگه هر دایم بولینگلر و اونگه عملی ارزش بیرینگنلر و عایله اعضالرینگیزگه ییتکزینگ درسلرنی. حرمتلی داکتر ملا عبدالواسع اداره لرگه ایناغه چیلیک فضاسینی یره تینگلر بیر- بیراو بیلن همکار و هماهنگ بولینگلر و وظیفه لرینگیزنی صداقت و اخلاص بیلن بجرینگلر.
شونینگدیک مراسم جریانیده حرمتلی فقیر محمد درویش بیر پارچه ترانه اجرا قیلدی. ۲۲ کیشی اول نمره، ۲۷ کیشی ایکینچی اورین و ۴۶ نفر اوچینچی اوریننی آلگنلرگه ساوغه بیریلیشی بیلن مراسم مولوی باز محمد تامانیدن دعا قیلینیشی بیلن توگهدی.
