افغانستان اسلامی امارت ریاست الوزراء سیاسی ایشلر بوییچه اورین باسری حرمتلی مولوی عبدالکبیر بوگون کیچ چین تشقی ایشلر وزیرلیگی نینگ افغانستان اوچون مخصوص نماینده سی یوی سیاویانگ باشچیلیگیده گی هیات بیلن اوچره شیب ملاقات قیلدی.
سپیدار قصریده بولیب اوتگن بو اوچره شووده یوی سیاویانگ چین و افغانستاننی ایزگو نیک مناسبتی بار و بیزلر هر دایم افغانستان بیلن همکار میز دیدی. بیزلر افغانستان نینگ ییر بوتونلیگیگه حرمتیمیز بار ایچکی ایشلرگه اره لشمه یمیز و بو مملکت گه بولگن همکارلیکلریمیزگه دوام بیره میز.
سیاویانگ نینگ سوزلریگه کوره، چین بوتون خلق ارا کنفرانس لرده افغانستان نینگ موزله تیلگن ییتی میلیارد دالری آزاد ایتیلیشینی ایسته یدی.
او، چین افغانستانده یخشی حکومتچیلیک نی ایسته دی اگر امنیت بولگن حالده، چین لیک سرمایه یاتقیزووچیلر همده بویوک کمپنیلر افغانستانده سرمایه یاتقیزیشی اوچون ترغیب قیلینه دی دیدی.
چین تشقی ایشلر وزیرلیگی نینگ مخصوص نماینده سی افغان تاجرلریگه ویزه بیریله دی چین نینگ افغانستانگه بولگن پروازلری باشلنه دی و چین نینگ افغانستانگه بولگن وارداتی کوپه یشینی ایسته یمیز.
باشقه تاماندن چین افغانستانده سرمایه تاقیزیشن خواهله یدی و قوشنی دولتلر هم افغانستانده گی فرصتلردن فایده له نیب سرمایه یاتقیزیشلری کیره ک.
سونگره ریاست الوزراء نینگ اورین باسری حرمتلی مولوی عبدالکبیر مذکور هیات نی خوش کیلیب سیزلر دیب، چین نینگ افغانستان اینیقسه پکتیکا و خوست ولایتلریده یوز بیرگن زلزله ده زیان کورگنلرگن کورستگن یاردمی و افغان تاجرلریگه وزیره صادر قیلگنی اوچون تشکرلیک قیلدی. آریانا هوا یوللر شرکتی تیزلیک ده چین گه اوز پروازلرینی باشله یدی دیدی او.
تاشکینت ییغنیده افغانستان اسلامی امارت موفقینی قوله گنی اوچون چین تشقی ایشلر وزیریگه منتدارچیلیک قیلگن مولوی عبدالکبیر جنابلری، امیرالمومنین تامانیدن اعلان قیلینگن عمومی عفو، سابق حکومت رسمیلری بیلن تماس آلیش کمیسیون باره سیده معلومات بیریب، اسلامی امارت افغانستان خلقی نینگ برچه قوملریگه حرمت قیله دی و اسلامی امارت نینگ کابینه سیده برچه قوملرنینگ حضوری بار و سابق حکومت نینگ کمیده بیش یوز مینگ خادمی اوز وظیفه لریگه دوام بیرماقده لر دیدی.
دین عالملری نینگ ییریک ییغینیده اسلامی امارت دن بولگن هر تامانلمه حمایتگه اشاره قیلگن حرمتلی مولوی عبدالکبیر جنابلری، حاضر ایچکی مشروعیت گه ایگه میز چین قوشیمه باشقه دولتلر اسلامی امارت رسمیت گه تانیلیشی اوچون اقدام قیلیشی کیره ک.
اونینگ سوزلریگه کوره، افغانستان توپراغی چین قوشیمه هیچ بیر مملکت نینگ خوفسیزلیگی اوچون تهدید بولمه یدی، بیزلرنینگ چین بیلن حسنه علاقه میز بار و بو مناسبتلر آلدین دن کوره کینگه ییشنی ایسته یمیز.
ریاست الوزراء نینگ سیاسی اورین باسری افغانستانده سرمایه یاتقیزیش فرصتلر و چین نینگ سرمایه یاتقیزووچیلری خوفسیزلیگی تامینله نیشی باره سیده ایشانچ بیریب، چین ده افغانستان محصولاتلریگه بازار تاپیش نی طلب قیلدی.
او اوزی نینگ صحبتلری اداغیده ایتیشیچه، بیزلر برقرار و خوفسیزلیگی تامینلنگن افغانستان ایسته یمیز برچه مملکت لر شامل تورلی بولیملرده قوشنی دولتلر بیلن حسنه علاقه لریمیزنی کینگه یتیره میز.
