ریاستالوزرا اقتصادی اورین باسری حرمتلی ملا عبدالغنی برادر آخند امارتی هییت باشچیلیگیده اوتگن کونی بلخ ولایتی- حیرتان بندریگه سفر قیلدی.
اوشبو سفر جریانیده، ادارهلر آرهسیده موجود قیینچیلیکلرنی ییچیش همده مذکور بندرده ۲۴ ساعتلیک خدمتلر کورسهتیش جملهدن مالیه، سودا و صنعت، تشقی ایشلر، ترانسپورت و هوایوللری همده عامه منفعتلر وزیرلیکلری شونینگدیک حیرتان کمیساری، آزیق آوقت و دارو ، معیار و صفت، افسوتر و استراس ادارهلری همده نفت وگاز امارتی شرکتلری نینگ حقیده بحثلر اوتکزیلیب موجود قیینچیلیکلر اوچون کیرهکلی قرارلر آلیندی.
اوشبو قرارلر همده احتیاجلرگه کوره، مذکور بندرده امارتی ادارهلر تشکیلی آرتیشی بیلن، معیاری و کته پارکنیگلر، ادارلر بناسی، یوک آرتیش و بوشهتیش مرکزلری، ایلغار لابراتوارارلر ، معیاری یوللر همده ساویتگیچ مرکزلری قوریلیشی ممکن. شونینگدیک موجود تیمیر یولینینگ رواجلنتیریشی، یوک تشیش و ترانسپورت مسلهلرده کیرهکلی وسایطلرنی تیارلش، کته وزنلرنی انیقلش اوچون الکترونیک ترازولر، همده قاچاقنینگ آلدینی آلیش مقصدیده سیار سکنرلر نصب قیلینیشی تیلگه آلینگن.
اوشبو آدیملر عملگه آشیریلگن حالده مذکور بندرده کیچیکمسلیک بیلن صادر و وارد قیلیش شونینگدیک ۲۴ ساعتلیک خدمتلر کورسهتیلیشی بیلن افغانستان و اوزبیکستان ارا ایکی تامانلمه سودا سطحی کوپهلیشی همده مملکتنینگ اقتصادی رواجلنیشده مهم رول اوینهشی کوتیلهدی.#
