قربان هییتی نمازی بوگون ایرتلب افغانستان اسلام امیرلیگینینگ باش وزیری الحاج ملا محمد حسن آخند جنابلری و باشقه بیر قطار یوقاری مرتبهلی مقاملر حضوری بیلن ارگ جامع مسجدی ده اوقیلدی.
اوشبو بیرهم نمازی مراسیمده ریاستالوزرا اداری اورینباسری حرمتلی مولوی عبدالسلام حنفی، ریاستالوزرا دفترینینگ عمومی باشلیغی حرمتلی داکتر ملا عبدالواسع، همده بیر قطار اسلام امیرلیگینینگ ملکی و نظامی مقاملری همده خلقنینگ تورلی قتلمی اشتراک ایتگن ایدیلر. نماز اوقیلگندن سونگ بیر بیراو بیلن مصافحه قیلیب هییت بیرهمینی تبریکله دیلر.
عید نمازی اوقیلمسدن آلدین حرمتلی شیخ محمد فقیر محمدی، مسلمانلرنینگ دیننی اسرهش یولیده قیلگن حرکتلر، زحمتلر همده قربانلیکلریده اشاره قیلیب، بیز دین یولیده قربانلیک، بیریلیک، عبادتلر همده صدقهلریمیزده اخلاص قیلیلیک و خلقنی خرسند قیلیشده حرکت قیلیلیک دیدی.
او کیشی، اوشبو نظام مجاهدلر، دین عالملری، برچه مسلمانلر همده حافظلرنینگ تکلیفلری و قربانلیکلری یوزهسیدن اورتهگه کیلگنینی ایتیب، الله تعالی بیز و سیزلرگه اونی تقوا، اخلاص همده ایماندارلیک بیلن اسرهش توفیقینی بیرسین والله ج اونی قایم و دایم اسرهسین دیدیلر.
اوندن کیین، ریاستالوزرا دفترینینگ عمومی باشلیغی حرمتلی داکتر ملا عبدالواسع افغانستان اسلام امیرلیگی باش زیری نینگ هییت مناسبتی بیلن قوتلاو پیامینی قرائت قیلدی.
اوشبو پیامده، برچه اولکهداشلرگه هییت کونلری صمیمی تبریکلنگنیدن سونگ، الله تعالی درگاهیدن قربانلیکلر، هییت نمازلری، صدقهلر همده مسلمانلرنینگ یخشی اعماللری مخصوص فرضنی ادا قیلیش یولیده بیت الله شریفده کیتگن حاجی صاحبلرنی قبول بولیشینی آروز قیلگن.
اسلام امیرلیگینینگ باش وزیری، حج فریضهسی همده هییتمبارک ایاملریگه کوره اوز پیامیده شونی قوشیمچه قیلگن: بو کونلر بیزلرده بو پیامنی بیرهدی که اوشندی مسلمانلر الله تعالینینگ واحد ذاتی ده ایمانلری بار، بیر پیامبر صلی الله علیه وسلم امتی دیلر، وبیر کتابنی (قرآنکریم ) قبول قیلگن دیرلر، انهشولرگه کوره تیریکلیکینی برچه بولیملریده اتفاق همده بیرلیک و بیردملیکنی نظرده توتیش کیرهک.
شونینگدیک پیامگه کیلگن، حاضرده مسلمانلرنینگ بیر قنچه قیینچیلیکلری خودخواهلیک همده اتفاقسیزلیک نی یوزهسیدن دیر، شونگه کوره بوتون مسلمانانلر اوی_جای دن توتیب، قیشلاقلرمملکت همده دنیا بویلب همکارلیک، اتفاق همده بیرلیک وبیردملیکنی نظرده توتیب خودخواهلیک، نفرت و حسددن اوزلرینی اسرهشلری کیرهک.
حرمتلی الحاج ملا محمد حسن آخند جنابلری اوز پیامیده، قربانلیک وجیبهسیگه کوره فداکارلیک، احساس همده ایثار ارهمیزده تیریک قالیشی اوچون ینه شوندی دیگن، هر بیر مسلمان الهی حکملرنی اوز جانی، مالی، فرزندلری همده شخصی ایستکلریدن یوقاری بیلیشلری لازم انهشونگه کوره دین اوچون قربانلیکده احتاج بولسه ایثار میدانیده تولیق اخلاص بیلن تیار بولیشی کیرهک.
حرمتلی الحاج ملا محمد حسن آخند جنابلری، اوشبو پیامده مسوللرده ایشلرینی یخشی حالده آلغه آلیب باریشلری اوچون کیرهکلی بویوروغلر بیلن شوندی دیگن: اسلام امیرلیگینینگ اخلاص، همدردلیک همده مهربانلیک پیامنی خلققه ییتکیزینگلر، واولر اوچون بوتون کوچ بیلن دنیوی همده اخروی فلاحلری اوچون اورینیب تورگن ایکنیمیز می ایتیب، اوشندی که مملکتده خوفسیزلیکنی تامین، شرعی حکملر نافذ و آبادانلیک ایشلرنی جریانی بارلیگی همده کوپراق آسایشتهلیکلری اوچون سعی_حرکت قیلیب تورگنلریمیزنی ایتینگلر. اوکیشی اوز پیامیده، امارت اسلامی مسوللریدن اوز ساحهلریده، خلقنی قیینچیلیکلرینی ییچیش و شهیدلر، یتیملر همده معیوبلر عایلهلریدن خبردار عمده خلقنینگ مشورهلریدن فایدهلنیش و اولرنی معمالرینی ییچیشلرینی سورهگن.
شونینگدیک مجاهدلر همده امنیتی و دفاعی نیرولرده اوز توظیف بولگن وظیفهلریده متوجه بولیشلرینی ایستب، اولکهداشلردن اوز کوچلریده کوره قیتیب کیلگن مهاجرلر، سوو تاشقینلر همده ییر قیمیردهییش یوزه سیدن ضرر کورگنلر بیلن یاردم بیریشلرینی سورهدی.
مراسم، حرمتلی شیخ محمد فقیر محمدی، مسلمانلرنی قربانلیکلری قبول بولیشی، شهیدلرنینگ روحینی بدر همده احد شهیرلر بیلن بیله بولیشی همده امیرالمؤمنین مرحوم ملا محمد عمر مجاهد رحمه الله و امیرالمؤمنین شهید ملا اختر محمد منصور تقبله الله قبرلرینی نور بیلن توله بولسین دیگن خیر دعائیه بیلن یکون تاپدی.#
