افغانستان اسلام امیرلیگی ریاست الوزرا دفترینینگ عمومی باشلیغی حرمتلی داکتر ملا عبدالواسع، بوگون توشدن آلدین ایراننینگ کابلدهگی ایلچیسی علی رضا بیکدلی بیلن ارگده اوچرهشدی.
اوشبو اوچرهشووده دستلب، حرمتلی داکتر ملا عبدالواسع او کیشینی خوش کیلیبسیز دیگنیدن سونگ، ایران بیلن امریکا آرهسیدهگی اوروشی توگهییش مقصدیده، کیلیشوو بیتیمینی امضا لنگنیدن خرسندچیلیک بیلدیردی.
رضا بیکدیلی جنابلری، افغانستان وایران آرهسیدهگی مناسبتلرنی تاریخی وچوقور بیلیب، ایران اوروشی جریانیده، افغانستان خلقی همده اسلام امیرلیگینینگ قیغوداشلیک بیلدیرگنلریدن تشکرلیک قیلیب ایتیشیچه، اوشبو یوتوقلر ایران همده دوست قوشنی مملکتلرگه تیگیشلی دیر، شوسبب افغانستان همده ایراننینگ اقتصادی وسیاسی مناسبتلری اوروش جریانیده هم دوام تاپیب هیچ قندی قیینچیلیکده دوچ کیلمهگن.
ریاست الوزرا دفترینینگ رئیسی حرمتلی داکتر ملا عبدالواسع، افغاستان وایران آرهسیدهگی علاقهلرنی ایکی اسلامی همده قوشنی مملکت صفتیده مستحکم وایریلمس دیب بیلدی.
او کیشی قوشیمچه قیلیشیچه، حتی اوروش دوامیده هم، مملکت ارا سودا سطحی کوپهیشی، افغانستان همده ایران اقتصادی و خوفسیزلیگی بیر- بیراوگه باغلیق ایکنلیگینی کورسهتهدی.
حرمتلی داکتر ملا عبدالواسع، قوشنی مملکتلردن قاقچقینلر چیقاریشلریگه اشاره قیلیب، افغان مهاجرلرنی ایرانگه تورر پیتلری همده قیتیشلری اوچون قولیلیکلر یرهتیشلرینی امید قیلیب، بو ایش دوستلیکیمیزنی مستحکم قالیشیگه مثبت رول اوینهیدی دیدی.
اوچرهشوو یکونیده، علی بیکدلی جنابلری، افغانستان اسلام امیرلیگینینگ باش وزیری ویولداش هیأتینی، ایراننینگ آلدینکی مذهبی رهبری، شهید آیت الله خامنهای نینگ پیکرینی توپراققه تاپشیریش مراسمیده اشتراک قیلیشلری مقصدیده، چقریق خطینی حرمتلی داکتر ملا عبدالواسع جنابلریگه تاپشیردی.#
