سپیدار قصریده بویلب اوتگن اوشبو اولتیریش، حرمتلی مولوی بلال کریمی افغانستان نینگ چین ده گی ایلچیلیگی ایشی و یوتوقلری حقیده ریاست الوزراء سیاسی اورین باسریگه معلومات بیریب ایتیشیچه، افغان دیپلوماتلری نینگ چین حکومتی و ادارهلری بیلن رسمی و یخشی علاقهسی بار.
اونینگ کوپه یتیریشیچه، چین مسووللری اسلام امیرلیگی نینگ داعش یوق ایتیلیشی، اداری فساد، مخدر ماده گه قرشی کورشگنی و اقتصادی بولیمده اسلام امیرلیگی تلاشلرینی مخته یدیلر دیدی.
شونینگدیک حرمتلی کریمی افغانستانده امنیت، شفافیت و ثبات کانلرده سرمایه یاتقیزیش چین سرمایه یاتقیزوچیلری نینگ قیزیقیشیگه سبب بولگن دیب، چین لیک بیر قنچه سرمایه یاتقیزوچیلر نینگ ایلچیلیک بیلن تماسی بار دیدی.
ریاست الوزراء سیاسی اورین باسری حرمتلی مولوی عبدالکبیر منطقه و دنیا بویلب چین نینگ سهمیگه اشاره قیلیب، مذکور مملکت بیلن اسلام امیرلیگی علاقه سینی مهم دیب هر ایکی مملکت نینگ فایدهسیگه دیدی.
سیاسی اورین باسر افغانستان و چین اورتهسیدهگی تجارت اهمیتی اوستیده تاکیدلب ایتیشیچه،. اسلام امیرلیگی هر ایکی تامان تجارلری اوچون لازم آسانلیکلرنی یرهتهدی.
شونینگدیک ریاست الوزراء سیاسی اورین باسری اترا ادارهسی عمومی رییسی مولوی سید برات شاه ندیم آغا بیلن هم اوچرهشدی.
اترا ادارهسی عمومی اداره سی رییسی مخابراتی سکتور کوچهیتیریلیشی، صفتلی خدمت و کینگ کولملی پوشش توغریسیده بو اداره ریجه سینی ریاست الوزراء سیاسی اورین باسری بیلن شریک قیلدی.
حرمتلی ندیم آغانینگ ایتیشیچه، بولرنینگ تیکشیرووی، اترا اداره سی مسلکی خدمت کورسه تیش نقطه نظردن اوتمیشدن کوره یخشی بیر حالت ده دیر.
حرمتلی مولوی عبدالکبیر، اترا مملکت نینگ اوزاق منطقه لریده خدمت کورسه تیشنی اولویتگه قوییشی کیره ک و مخابرات سکتوریده غیر اصولی چاره تدبیر آلدی آلینیشی ضرور دیب ایتدی.
