افغانستان اسلام امیرلیگی ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع بوگون توشدن آلدین نادر پشتون جاده سیده گی خیرخواه مارکیتی نینگ اعتراضچی دکانلری بیلن ارگ ده اوچره شدی.
دستلب ریاست الوزراء عالی مقامی دفتری نینگ سیاسی و مردمی ایشلر بوییچه باشلیغی حرمتلی مولوی گلزار احمد اوشبو دکاندارلرنی خوش کیلیب سیزلردیدی. سونگره عبدالامید و همایون لودین باشقه لر نماینده لیگیده گپیریب، اوچره شوودن خورسندلیک قیلیب، زیان کورگن کمک قیلیش اوچون تجارتی کامپلکس قوریلیشی مقصدیده خصوصی بیر شرکت بیلن کیلیشوو امضالنگنی اوچون اسلام امیرلیگیگه منتدارچیلیک قیلدیلر.
شونینگدیک اولر هر دایم قیین چیلیکلری ایشیتیلیشی اوچون اسلام امیرلیگی مسووللریگه تشکرلیک قیلیب قیمت، موقعیت و اوشبو کامپلس دکانلری اولچاوی باره سیده پیشنهاد و قیین چیلیکلرینی ریاست الوزراء مقامی عمومی دفتری باشلیغی بیلن شریک قیلدیلر.
ریاست الوزراء عالی مقامی عمومی دفتری رئیسی خیرخواه مارکیتی اعتراضچی دکاندارلری نینگ اوز قیین چیلیکلرینی شریک ایتگنی اوچون تشکرلیک قیلیب ایتیشیچه: خلق نینگ قیین چیلیگینی ایشیتیش بیزلرنینگ مسوولیتمیز دیر و بونی حل قیلیش اوچون امکان قدر مسووللر بیلن شریک قیله من.
حرمتلی داکتر ملا عبدالواسع نینگ ایتیشیچه، اسلام امیرلیگی نینگ مسووللری ملت منفعتیگه ارزش بیره دیلر همده یانغین، زلزله و طبیعی آفتلر نتیجه سیگه زیان کورگن کیشیلرگه امکانیت گه موافق کمک قیلیب یاردم بیره دی.
اونینگ قوشیمچه قیلیشیچه، اوتگن ییل زلزله یوز بیرگن دن سونگ، زیان کورگن منطقه یقیندن کوزه تیلیب شونینگدیک کمکلر مستحقلرگه ییتیشیشی مقصدیده بیر کمیسیون ایجاد بولدی دیدی.
ریاست الوزراء عالی مقامی دفتری رئیسی نینگ ایتیشیچه، خیرخواه مارکیتیده یانغین یوز بیرگن دن سونگره، اسلام امیرلیگی زیان کورگنلرگه کمک قیلیش اوچون بونی مناسب کوردیکه تجارتی کامپلکس قوریلیشی مقصدیده کیلیشووگه قول قویدی بولر ایسه فایده سیز فقط مصرف نظرده توتیلگن حالده، دکاندارلرگه ترقه تیله دی.
حرمتلی ملا عبدالواسع، اسلام امیرلیگی نینگ مسووللری مذکور تجارتی کامپلکس ده گی قیین چیلیک جمله دن دکان قیمتی، موقعیتی و اولچاوی مساله سی اداری کمیسیون و خاص هیات تامانیدن معقول یول بیلن حل ایتیله دی.
