افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون کیچ قندهار والیسی اورین باسری حرمتلی مولوی حیات الله مبارک، بادغیس والیسی اورین باسری حرمتلی مولوی غلام محمد احمدی، بو ولایت امنیه قوماندانی حرمتلی مولوی عبدالستار صابر و یولداش مجاهدلری بیلن اوچره شیب ملاقات قیلدی.
اولر دستلب مذکور ولایتلر نینگ اجتماعی و خوفسیزلیک وضعیتی همده محلی اداره لر ایشی و فعالیتی توغریسیده ریاست الوزراء اداری اورین باسرلیگیگه معلومات بیردیلر.
شونینگدیک اولر اسلام امیرلیگی مجاهدلری نینگ زحمت، فداکارلیک، تکالیف و خدمتلری اوستیده توختهلیب ایتیشلریچه، مسووللر همده مجاهدلر ایریم بولیملرده مردم گه خدمت قیلیش اوچون اسلام امیرلیگی رهبریتی نینگ بویروغی اساسیده عمل قیلیب، خلق نینگ قیینچیلیکلری حل بولیشی مقصدیده دایم سعی وحرکت قیله دیلر.
افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی، اولرنی خوش کیلیب سیزلر دیب ایتیشیچه مجاهد لر نينگ اشغال زمانیده آلیب بارگن زحمت، فداکارلیک، تکلیف و خدمتلری تقدیرگه سزاوار دیر.
مردم گه خدمت قیلیش، خوفسیزلیکنی تامینلش و آسایشته لیک نی یرهتیش افغانستان اسلام امیرلیگی مسووللری همده مجاهدلری نینگ مسووللیتلریدن دیگن ریاست الوزراء اداری اورین باسری حرمتلی مولوی عبدالسلام حنفی، خلق نینگ قیین چیلیکلرینی انیقلب اونی برطرف ایتیش برچه نینگ مسوولیتی دیر دیدی.#
