افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون افغانستان طبی کینگش باشلیغی حرمتلی داکتر گل محمد عثمان و کینگش اعضالری بیلن اوچره شدی.
اوشبو اوچره شووده طبی کینگش باشلیغی حرمتلی داکتر محمد عثمان مملکت ده طبیات نی معیاری ایتیش بوییچه طبی کینگش نینگ فعالیتی، ایشلری و اهمیتی توغریسیده معلومات بیریش بیلن مذکور کینگش نینگ مملکت ده طبیات نی اوستیریش خصوصیده کیلهجکدهگی ریجهسی حقیده گپیردی.
طبی کینگش رئیسی، طبی اوسکونه لرنی دنیا معیاری بیلن ماسلشتیریش، مملکت بویلب طب محصللری اوچون منتظم بیر معیاری تعلیمی نصاب توزلیشی، ساغلیق بوییچه ملی سمپوزیم ایجاد بولیشی، تیگیشلی اداره لر اورته سیده هماهنگلیک یرهتیش کبی موضوعلرنی تیلگه آلیب اسلام امیرلیگی مسووللریدن خاص توجه ایسته دی.
افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی، طبی کینگش رئیسی همده اعضالری بیلن اوچره شیب ملاقات قیلیشیدن خورسندلیک قیلیب ایتیشیچه، طبی کینگش موجودلیگینی نظارت، تیکشیریش تیگیشلی اداره لر هماهنگلیگی بیلن طبیات نی کینگهیتیریش اوچون جوده مهم دیر.
ریاست الوزراء اداری اورین باسری طبیات نی مملکت اوچون اساسی مساله دیب، تاسف بیلن اوتگن ییللرده بو خصوصده دییرلی ایش بولمه گن، اما اسلام امیرلیگی بو مساله بوییچه جدی اعتبار قرهتگن دیدی.
حرمتلی مولوی حنفی جنابلری، طبی کینگشنی تیگیشلی اداره لر هماهنگلیگیده طبیات نی زمانویلشتیریش همده مردم گه معیاری خدمت کورسه تیشگه چقیردی.
