افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی، بوگون عصر وقتیده اوزبیکستاننینگ قرهقلپاغستان جمهوریتی پارلمانینینگ رئیسی حرمتلی امانبای اورینبایف و اونینگ بیرگهسیدهگی هیئت بیلن ارگده اوچرهشدی.
اوزبیکستان جمهوریتینینگ افغانستاندهگی ایلچیسی آقای آیبیک عثماناوف هم اشتراک ایتگن اوشبو اوچرهشووده، ریاست الوزراء اداری اورین باسری حرمتلی مولوی عبدالسلام حنفی اولرگه «خوش کیلدینگیز» دیب، افغانستان و اوزبیکستان اورتهسیده اوزاق مدتلیک دینی، تاریخی، مدنی و اجتماعی مشترکلیکلر بارلیگینی و بو مناسبتلر آلدینگیدن هم کوپراق کینگیتیریلیشی کیرهکلیگینی ایتدی.
شونینگدیک او کیشی قوشیمچه قیلیب، عالیقدر امیرالمؤمنین حفظه الله تعالی، ریاست الوزراء رئیسی، وزیرلرکینگاشینینگ اعضالری و اسلام امیرلیگی نینگ باشقه کوزگه کورینگن بویوکلری هر دایم برچه قوشنی مملکتلر، اینیقسه اوزبیکستان جمهوریتی بیلن دوستلیک و ایناقلیک مناسبتلر طرفداری دیرلر.
ریاست الوزراء اداری اورین باسری افغانستاندهگی یخشی سرمایه یاتقیزیش امکانیتلری و ایجابی همکارلیک روحیه سیگه اشارت قیلیب، برچه حدودلرده تأمینلنگن خوفسیزلیک و سوداگرلر همده سرمایه یاتقیزووچیلر اوچون یرهتیلگن قولهیلیکلر ایککی مملکت آرهسیدهگی علاقهلرنی ینه-ده رواجلنتیریشینی ایتدی.
شونینگدیک، افغانستان اوزبیکستان نینگ تورلی ترماقلر، جمله دن تخنیک و زراعت بولیملریدهگی تجربهلریدن فایدهلنیشگه قیزقیش بیلدیردی.
انهشو حالده، قرهقلپاغستان جمهوریتی پارلمانی رئیسی امانبای اورینبایف جنابلری اوزبیکستان جمهور رییسی شوکت میرضیایف جنابلرینینگ سلاملری و ایزگو تیلکلرینی ییتکزیب، اسلام امیرلیگینینگ مهمان دوستلیگیدن منتدارلیک بیلدیریب شوندهی دیدی: «بیز نینگ منطقهمیز تورلی منبعلر، جملهدن منراللر، سمنت، (آهک) همده نفت و گازگه بای دیر.» او ایککی مملکت اورتسیدهگی سودا و ترانزیت علاقهلرینی مستحکملش مقصدیده، ایرتهگه مزارشریف شهریده افغانستان و قرهقلپاغستان جمهوریتی اورتسیده سودا بولیمی ( تجارت اتاغی) آچیلیشینی و بو ایککی مملکت اورتهسیده کوپراق همکارلیک کورستکیچ بولیشینی معلوم قیلدی.
موصوف قرهقلپاغستان جمهوریتی اوزبیکستان نینگ ترانسپورت دروازهسی سنهلیشینی تأکیدلب، خام اشیالرنی تورلی ساحهلرده قیته ایِشلشیگه یاردم بیریب افغاستان بیلن یقین تجاری علاقهلرنی ایستیمیزدیدی.
امانبای اورینبایف، قرهقلپاغستان جمهوریتی سوداگرلر و سرمایه یاتقیزووچیلر اوچون علاحیده شرط-شراکتلر، جملهدن مالیه تخفیفلرینی یرهتگنینی بیلدیردی و افغان سوداگرلری همده سرمایه یاتقیزووچیلری نینگ فعالیتلرینی آلقیشلب، بو یولده همکارلیککه تیار ایکنلیکلرینی اورغولهدی.
اوشبو اوچرهشوو نینگ آخریده ریاست الوزراء اداری اورین باسری مولوی عبدالسلام حنفی جنابلری، ایککی قوشنی مملکت اورتسیده سودا، ترانزیت، مدنی و سیاحت ترماقلریده، اینیقسه ایککی مملکت نینگ تاریخی آبدهلری و جایلرینی باریب کوریش بوییچه دوستانه علاقهلر مستحکملنیشیگه علاقمند ایکنلیکلرینی معلوم قیلدی.#
