افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون سپیدار قصریده ایچکی ایشلر وزیرلیگی سرپرستی محمد نبی عمری، قوراللی کوچلر باش قوماندانی اورین باسری حاجی مالی خان و حج او اوقاف وزیرلیگی نینگ اورین باسرلری شیخ عزیزالرحمن منصور، شیخ زرمحمد و مولوی عارف الله عارف بیلن اوچره شدی.
بو اوچره شووده مسووللر ریاست الوزراء سیاسی اورین باسرینی عیادت قیلگن دن کیین اونگه اوزلریگه تیگیشلی اداره لر فعالیتی و ایشلری حقیده معلومات بیردیلر.
اولرنینگ کوپه یتیریشیچه، اسلام امیرلیگی نینگ مسووللری خلق نینگ معماسیگه وقتیده ییتیشیلیشی اوچون سعی و حرکت قیله دیلر، منه شو مقصد اوچون اداره لر دروازه سی برچه نینگ یوزیگه آچیق دیر.
اوشبو مسووللر تامانیدن بیریلگن معلوماتلرنی ایشیتگن ریاست الوزراء سیاسی اورین باسری حرمتلی مولوی عبدالکبیر، امارتی اداره لرنینگ برچه مسووللری خلق بیلن یخشی صورتده یانده شیشلری خلق اوچون بیر امید سمبولی دیر دیب تیلگه آلدی.
اوچره شوونینگ یکونیده حرمتلی مولوی عبدالکبیر اسلام امیرلیگی نینگ مذکور مسووللریگه تیگیشلی اداره لری نینگ معلوماتینی شریک قیلگنی اوچون منتدارچیلیک بیلدیردی.
