افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنف بوگون ییگیرمه آلینچی دلو افغانستاندن سابق شوروی قیزیل قوشینی چیقاریلگنی مناسبتی بیلن اوتکزیلگن مراسمیده اشتراک قیلیب نطق سوزلهدی.
ریاست الوزراء اداری اورین باسری دستلب بو شکوهلی محفلنی اویوشتیرگن ملی رادیو تلویزیون رهبرلیک هیاتی و مسووللر تشکرلیک قیلیب، افغانستان خلقی نینگ بوندی فخرلی کونلرنینی نشانلش و بو یورت یشاوچیلر قهرمانلرینی عکس ایتتریش اوچون کینگ تیکشیرو آلیب باریش کیله جک اولاد اوچون کوپ مهم دیب تیلگه آلدی.
حرمتلی مولوی عبدالسلام حنفی ۱۳۵۷ - ییل ییتینچی ثور مملکت ده کمونیستلر کودتاسی باشلهنیشی بیلن افغانستان خلقی نینگ بدبختلیک قیینچیلیکلری، رنج و آلام باشلندی دیب ایتیشیچه، اوشبو کوتادن بیر ییل سونگ ۱۳۵۸ - ییلده شوروی نینگ یوز مینگ حربیسی افغانستانگه باستیریب کیردی ییر و فضانی اشغال قیلدی و بو اشغال چمهسی اون ییل دوام ایتدی و بو مدت ایچیده مینگلب دین عالمی تیریک کومیلدیلر، افغانستان بیلیم یورتلری استاد لری، محصللری ، یاشلر و باشقه نخبهلر شهید قیلیندیلر و اولرنینگ ایریملری هنوز هم درک سیز یوقالماقده لر، آستقورمه لر ویران قیلیندی اوروش بوتون مملکت بویلب کینگهیدی دیدی.
اونینگ قوشیمچه قیلیشیچه، افغانستان دین عالملری قیادتی و بویوکلری رهبریتیده اشغال گه قرشی مبارزه باشلندی و نتیجه ده بیر یریم میلیون شهید، میلیونلب انسان قوشنی مملکتلرگه آواره بولدیلر، مهاجر بولدیلر، افغانستان نينگ میلیون لب یاش ییگیتی معلول و معیوب بولدیلر و نهایت ده سابق شوروی قیزیل قوشینی ۱۳۶۸ ییل ییگیرمه آلتینچی دلو افغانستان توپراغینی ترک قیلیش چیقیشگه مجبور بولدیلر.
ریاست الوزراء اداری اورین باسری نینگ ایتیشیچه، انگلیس لر سونگی مرحله دن باشقه اوچ مرته افغانستان ده قوشین تارتدیلر و کیین برچه مرحله لرده شکست گه روپه ره بولدیلر و بو یریم عصرده هم شوروی و باشقه اشغالچیلرنینگ شکستی افغانستان ملتی نینگ سعی و کوششی نتیجه سیده عملگه آشیریدلدی.
ریاست الوزراء اداری اورین باسری حرمتلی مولوی عبدالسلام نينگ اورغولهشیچه، افغانستان دن شوروی قیزیل قوشینی چیقاریلیشی بیلن افغانستان خلقی نینگ آرزوسی اوشهلیشی باره سیده اميد لر کوپهیگن ایدی و مملکت ده اسلامی بیر نظام حاکم بولیشی و برچه مجاهدلر بیرلهشیب افغانستان نی رهبرلیک قیلیشی کوتیلردی، لیکن اوشه وقت زعیملری نینگ اوز ارا کیلیشماوچیلیگی باعث ایرمه چیلیک ایجاد بولدی بوتون مملکت بویلب اویمه اوی اوروش و ملک الطوایفی حکومت باشلندی، بیر اولسواللیک باشقه اولسواللیک بیلن، ناحیه مه ناحیه اوروش نتیجه سیده آدملر بیر ولایت دن باشقه ولایتگه سفر قیله آلمسدی، خلق نینگ مالی، جانی، حیثیتی و آبروسی مصؤن ایمس ایدی و مملکت ده بوتونلهی انارشی حاکم ایدی.
حرمتلی مولوی عبدالسلام حنفی: انه شوندی بیر زمانده امیرالمؤمنین ملا محمد عمر مجاهد رحمه الله منطقه سینی اوباش آدملردن تازه لش اوچون بیر قنچه دین عالملری و مجاهدلر بیلن قیام نی باشلهدی و بیرینچیدن اوزی نینگ دين عالملری و مجاهدلری بیلن افغانستان ایریم منطقه لرینی شریردن تازه له دی و سیکین سیکین امنیت تامین لندی، مجاهدلر نینگ حاکمیتی دستلب قندهار و کیین مملکت نینگ بیش فیصد توپراغی ده حاکم بولدی، اسلام امیرلیگی افغانستان خلقینی قیته دن بیرلشتیردی مملکت بی بندوبارلیک، ظلم واستبداد دن قوتیلدی، اسلامی نظام مملکت ده حاکم ایدی، حدود قصاص تطبیق بولردی، مخدر ماده منع بولدی و افغانستان ملتی متحد و بیرشلدیلر.
اونینگ سوزلریگه کوره، کیینچه لیک غرب دولتلری ایریم بهانه لر بیلن اولکه گه یوریش قیلیب افغانستان نی اشغال قیلدیلر و بو اشغال ایسه ییگیرمه ییل دوام ایتدی و مدت جریانیده افغانستان خلقی اوستیده تورلی ظلم و استبداد عملگه آشیریلدی.
مدرسهلر، مکتبلر، توی مراسملری، قیشلاق لر ایکینچیلیک بمبارد قیلیندی، عیاللر شفقت سیز روش ده شهيد قیلیندی، آستقورمه لر ویران ایتیلدی و الحمدلله بو مملکت نینگ صادق فرزندلری جهاد و مبارزه گه دوام بیردیلر، بو اولکه نینگ مینگلب یاش ییگتی، قران کریم حافظلری، دین عالملری، محصللر بیرلهشیب اشغال برابریده کورهشنی شروع قیلیب افغانستان آزادلیگی و مستققللیگینی آلیب اسلامی نظام نی اورنتدیلر.
ریاست الوزراء اداری اورین باسری نینگ ایتیشیچه، مملکت ده افغانستان اسلام امیرلیگی حاکمیتگه کیلگندن کیین امیرالمؤمنین شیخ القرآن و الحدیث مولوي هبت الله آخندزاده قیادتیده بولگن حاکمیت بیر عفو عمومی اعلام قیلیب، برچه یشاوچیلر جمله دن مجاهدلر، یشاوچیلر، عادی اهالی و اسلام امیرلیگی برابریده اوروشگن برچه آدملر تشویش سیز حیات لریگه دوام بیردیلر، اسلام امیرلیگی مملکت بویلب خوفسیزلیکنی تامین لهدی، مخدر ماده نی یوق ایتدی، معتادلرنی جمعله دی، یتیملرگه کفالت تعین قیلدی، کته کیچیک پروژه لر نی باشلهدی و مملکت ترقیاتی اوچون ییریک لایحه لرنی عملگه آشیرماقده دیر.
ریاست الوزراء اداری اورین باسری حرمتلی مولوی عبدالسلام حنفی نینگ سوزلریگه کوره، اسلام امیرلیگی نینگ باشقه بیر ییریک ایشی ایریم مملکت لردن قیتگن بیر میلیون مهاجرنی جایلشتیریش دیر و اولرگه لازم بولگن نقدی یاردم و ییگولیک اوقت یرهتیش دیر.
شونینگدیک ریاست الوزراء اداری اورین باسری، افغانستان برچه افغانلر نینگ مشترک اویی دیر لازم دیر بیر بیراو نینگ همکارلیگی بیلن مملکت نی قیته قورسک دیب مجاهدلر گه خطاب قیلیب ایتیشیچه، اسلام امیرلیگی نینگ اداره لری خادملری همده مسووللری افغانستان نینگ رنج کورگن ملتیگه ایزگو رفتار بیلن یانده.شیشی کیرهک دیدی.
شونینگدیک او، اسلام امیرلیگی قوشینی مملکت لر قوشیمچه برچه دنیا دولتلری بیلن متقابل احترام اساسیده علاقه ده بولیشنی ایستهیدی و افغانستان توپراغی هيچ وقت هیچ بیر مملکت نینگ امنیتی گه قرشی ایشلهتیلمهیدی و لازم دیرکه باشقه لر هم افغانستان ایچکی ایشلریگه ارهلشمهسهلر.#
