تشکیلات و معاشلرنی تنظیملش کمیسیون ییغینی بوگون افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی باشچیلیگیده عالیقدر امیرالمؤمنین شیخ القرآن و الحدیث مولوي هبته الله اخندزاده حفظه الله بویروغی اساسیده آلدیگنی جلسه لر دوامیده بولیب اوتدی.
ییغین تشکیلات و معاشلرنی تنظیملش کمیسیون اعضالری، افغانستان اسلام امیرلیگی مشرتابه دفتری نماینده سی حرمتلی مولوی احمد جان بلال، اقتصاد وزیرلیگی سرپرستی حرمتلی قاری صاحب دين محمد حنیف، اقتصاد کمیسیونی نماینده سی، صنعت و تجارت وزیرلیگی سرپرستی حرمتلی حاجی صاحب نورالدین عزیزی، مالیه وزیرلیگی نینگ باجخانه لر معینی حرمتلی حاجی ملا ناصر آخند همده بو وزیرلیک نینگ تخنیکی و مسلکی متخصصلری، اسرمایه یاتقیزیش و تجارت اتاقی نماینده سی حاجی خان جان الکوزی، افغانستان صنعت بولیمی نماینده سی عزیز احمد مومند، صنایع ومعادن اتاقی رئیسی شیرباز کمینزاده، پیشه وران اتاقی سرپرستی شیرین آغا کریمی، افغانستان ایکینچیلیک و چارواچیلیک اتاقی رئیسی حاجی خان محمد فروتن، افغانستان قالین بیرلشمه سی مدیره هیات معاونی قربانعلی و خصوصی سکتور نمایندهسی حضوریده بولیب اوتدی.
ییغینده صادارت گه کیلتیریلگن تخفیف، زونلرده پاسپورت ترقه تیلیشی زمینه سی و تاجرلر همده صنعت کارلرنینگ ویزه آلیش قیین چیلیگی حل بولیشی، شرکتلرنی تیکشیریش بیش ییلدن بیر ییلگه اوزگریشی، قراردای بولیم مالیه سی صنعتکارلر انتفاعی مالیه سی، اوز باشیمچه فابریکه لر درآمدی مالیهسی کمهیتیریلیشی، شرکتلرنینگ دوسیه سی تیکشیریلیب تیگیشلی ولایتلرگه یوباریلیشی، آسان خدمت مرکزی ایجاد بولیشی کبی موردلر اوستیده بحث ایتیلیب لازم قرار قبول قیلیندی.
شونینگدیک اداغده، تجارتی، مالیاتی و جواز آلیش ایشلر معماسی انیقلهنیشی اوچون تخصصی کمیته موضوع نی هر تامانلمه اورگهنیشی توغریسیده وظیفه تاپشیریلدی و گزارش کیلگوسی ییغینده تقدیم بولیشی تاکیدلندی.
