افغانستان اسلام امیرلیگی ریاست الوزراء دفترینینگ عمومی باشلیغی حرمتلی داکتر ملا عبدالواسع بوگون توشدن آلدین آقای مردف بن علی القاشوطی قطرنینگ افغانستاندهگی ایلچیسی بیلن ارگده اوچرهشدی.
دستلب قطر ایلچیسی، مملکتینینگ افغانستان بیلن علاقهلرینی تاریخی و مستحکم بیلیب، اوزینینگ ایشلری دوامیده بو علاقهلرنی بوندن هم کوپراق مستحکملشینی ایتدی.
آقای مردف بن علی القاشوطی، قطرنینگ افغانستانده بجرگن همده جریانده بولگن رواجلنتیریش همده یاردم ییتکیزیش لایحهلرینی ایسلب، اورتهگه کیلگن خوفسیزلیکدن فایدهلنیب اوز یاردملریمیزنی تورلی ترماقلرده دوام بیره میز دیدی.
قطر ایلچیسی، افغانستان وپاکستان اورتهسیده یخشی علاقهلر بولیشینی منطقه برقرارلیکی، خوفسیزلیک همده اقتصادیگه مهم ایکنلیکینی ایتیب، قطرنینگ اخلاص یوزیدن افغانستان بیلن پاکستاننینگ اورتهسیده تاپیلگن قیینچیلیکلرنی ییچش یولیده مناسب یولنی تاپیشیگه اورینیب تورگنینی اورغولهدی.
عین حالده، افغانستان اسلام امیرلیگی ریاست الوزراء دفترینینگ عمومی باشلیغی حرمتلی داکتر ملا عبدالواسع اوکیشیگه خوش کیلیبسیز دیگندن سونگ، قطر و افغانستان اورتهسیدهگی علاقهلرنی مهم بیلیب، ۲۰ ییل دوامیده قطرنینگ بیر ایناغه همده مسلمان مملکت صفتیده، برقرارلیک همده تنچلیک تامینلیشی اوچون زحمت چیککنینی تیلگه آلیب، اسلام امیرلیگی بو ایشلرنی آلقیشلیدی دیدی.
حرمتلی داکتر ملا عبدالواسع جنابلری، قطرنینگ تورلی بولیملرده تطبیق بولگن لایحهلرینی فایده لی بیلیب، بو یاردملرنی کوپهیتیریشلرینی سورهدی.
اوشبو اوچرهشو یکونیده، ریاست الوزراء دفترینینگ عمومی باشلیغی شرعی اصوللرگه کوره، ملی منفعتلر چارچوبهسی ایکی تامانلمه حرمت بیلن افغانستان اسلام امیرلیگی ایکی تامانلمه تاثیرلی علاقهلرنی قوشنی مملکتلر همده خلق ارا و منطقه بیلن ایستشلرینی ایتیب، اسلام امیرلیگی افغانستان خلقینینگ خوفسیزلیگی، برقرارلیگی همده آسایشتهلیگیگه ایشله شی یانیده، باشقه مملکتلرنی خوفسیزلیگی همده برقرارلیگیدن آرقهداشلیک قیلهدی دیدی.
