افغانستان اسلام امیرلیگی ریاست الوزراء سیاسی کفیلی همده سیاسی اورین باسری حرمتلی مولوی عبدالکبیر بوگون متحرک اقتصاد اداره سی رئیسی و اعضالری بیلن سپیدار قصریده اوچره شیب ملاقات قیلدی.
اوشبو اوچره شووده متحرک اقتصاد اداره سی اعضالری ریاست الوزراء سیاسی اورین باسرلیگی قوملر نینگ نماینده لری بیلن اوچره شه یاتگنلریدن منتدارچیلیک قیلیب اوز ایستک و پیشنهادلرینی اورته گه قویدیلر.
اولرنینگ کوپیتیریشیچه، خلق بوندی کیین اوروش ایستمهیدیلر علمی شخصیتلر، نفوذلی کیشیلر، دین عالملری برچه اجتماعی قتلم مملکت رواجلهنیشینی ایستهیدیلر و کیلهجکده حکومت بیلن هر قندهی همکارلیککه تیارلر.
اوشبو تشکیلات نینگ باشلیغی، افغانستان ده حاضرگی خوفسیزلیک وضعیت تاریخی بیر فرصت دیر و برچه ایسه مملکت اقتصادی، اجتماعی ک فرهنگی ترقیاتی اوچون کته حصه قوشیشلر کیرهک دیب ایتدی.
ییغینده اشتراک قیلگنلر اسلام امیرلیگی نینگ رواجلهنیش بوییچه طرحی عملگه آشیریله یاگنیدن خوشلیک قیلیب ایتیشلریچه، حکومت افغانستان ایکینچیلیگی، کانلری، بیلیم مرکزلری رواجلهنیشی و منبع لر کوپراق تامین له نیشی اوچون توجه و سعی وحرکت قیلیشلرینی سوره دیلر.
اوشبو نهادنینگ اعضالری اقتصاد، اجتماع و ایش سیزلیک نی کمه یتیریش و تحصیل توغریسیده اوزلری نینگ طرحی که بیلیمدانلر همکارلیگی بیلن توزهلنگن دیر ریاست الوزراء کفیلی همده سیاسی اورین باسری بیلن شریک قیلدیلر.
ریاست الوزراء کفیلی همده سیاسی اورین باسری اوزی نینگ صحبتلریده، اوشندی کیم اسلام امیرلیگی جهاد دوریده خلق نینگ مصلحت و مشوارهسیگه احتیاجی بار ایدی، حاضر هم خلق نینگ مصحلتی بیلن دولت ایشلرینی بیرگه لیکده آلغه آلیب باریش اوچون سعی وحرکت قیله دی دیدی.
حرمتلی مولوی عبدالکبیر، خلق نینگ حمایتی و دین عالملری نینگ مثبت نظرلری حکومت چیلیک اوچون جوده یخشی دیر و اسلام امیرلیگی جامعه نینگ برچه قتلمی نینگ مصلحت و مشورهسیگه بوتونلهی توجه قیلهدی دیدی.
اوشبو ییغین نینگ سونگگیده ریاست الوزراء کفیلی همده سیاسی اورین باسری تاکید ایتیشیچه، اسلامی نظام برچه افغانلر نینگ مشترک اویی دیر و یخشی حکومت چیلیک اوچون وطنداشلریمیز نینگ فکری و نظری همیشه ایشیتیلهدی.
