افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون کیچ پروان ولایتی اولسواللیکلری نینگ بیر قنچه دین عالملری همده مجاهدلری بیلن اوچره شیب ملاقات قیلدی.
بو اوچره شووده دستلب اوشبو دین عالملری همده مجاهدلر مملکت ده خوفسیزلیک تامینلگنیدن خورسندلیک اظهار قیلیب، مذکور ولایت نینگ اجتماعی، اقتصادی همده امنیتی وضعیتی باره سیده ریاست الوزراء اداری اورین باسرلیگیگه معلومات بیردیلر.
اولرنینگ کوپه یتیریشیچه، پروان ولایتی نینگ مجاهدلری مردم نینگ تینچلیگی و آسایشته لیگی همده اولرگه خذمت کورسه تیش اوچون هردایم تلاش قیله دیلر.
شونینگدیک اولر اسلام امیرلیگی نینگ تورلی بولیملرگه توجه قیلگنیگه اشاره قیلیب، اسلام امیرلیگی نینگ رهبریتیدن مجاهدلر، تعلیم و تربیه، ایش اورینلری یره تیلیشی، اوزاق منطقه لرده ساغلیق کلینیکلر ایجاد بولیشی و ولایت ده ترقیات پروژه لر عملگه آشیریلیشی باره سیده توجه قیلیشینی سوره دیلر.
سونگره افغانستان اسلام امیرلیگی ریاست اداری اورین باسری حرمتلی مولوی عبدالسلام حنفی اوچره شوودن خورسندلیک بیلدیریب، اشغالچیلر زمانیده پروان ولایتی دین عالملری همده مجاهدلری نینگ مجاهدت و فداکارلیکلریدن یخشیلیک ده ایسله دی.
ریاست الوزراء اداری اورین باسری امنیت تامینله نیشی و خلق آسایشته لیگی، اجتماعی رفاه و یخشی خذمت قیلیش اسلام امیرلیگی نینگ تعهدلریدن حسابنله دی دیب قوشیمچه قیلدی.
حرمتلی مولوی عبدالسلام حنفی مذکور بویوکلرنینگ پیشنهادی توغریسیده اسلام امیرلیگی موجود امکانیت چهارچوبه سیده تیلگه آلینگن موردلر اوچون چاره تدبیر کوره دی.#
