ریاستالوزرا اداری اورینباسری حرمتلی مولوی عبدالسلام حنفی بوگون توشدن کیین(WFP) خلق ارا آزیق آوقتنینگ معاونی آقای کارل سکاو واوشبو تشکیلاتنینگ مسؤوللی آقای جان ایلیف بیلن اوچرهشیب محلی اقتصادیاتنی کوچهیتیریش، احتیاجلی کیشیلرنی قوللب-قوتلش همده ایش اورینلرینی یرهتیش مقصدیده صحبتلشدی.
اوشبو اوچرهشووده آقای کارل سکاو اسلام امیرلیگینی همکارلیکینی آلقیشلب مذکور تشکیلاتنی اوروشلر یوزهسیدن ضرر کورگن عایلهلردن، حادثهلر یوزیدن ضرر کورگن کیشیلر همده تویب آوقتلنمهگن بالهلر دن قوللب-قوتلشیشینی اورغولهدی.
او کیشی، ایچکی ایشلب چیقاریش، موجود ظرفیتلردن ایش آلیش همده خلقنینگ اوز_اوزینی قوللب-قوتلهیشی مذکور تشکیلاتنی اولویتلریدن ایکنلیگینی ایتیب، اوشبو تشکیلاتنینگ ایش اورینلرینی یرهتیشی بیلن اولر افغانستان خلقیگه کوپراق همکارلیک قیلیشلرینی بیلدیردی. اوکیشی بعضی قیینچیلیکلربار ینههم اوشبو تشکیلات افغانستان خلقی اوچون کوپراق یاردملرنی ییغیشگه سعی_حرکت قیلیشینی ایتدی.
انهشو حالده، مولوی عبدالسلام حنفی جنابلری خلق ارا آزیق آوقت پروژهسی نینگ معاونی واوکیشی بیلن تشریف بویورگن هییتنی خوش کیلیبسیزلر دیگنیدن سونگ، اوشبو تشکیلاتنی افغانستان خلقی اوچون مهم نقشی بارلیگینی معلوم قیلدی.
او کیشی، افغانستان خلقینی ییللر بوییچه تحمیلی اوروشلردن، سوو تاشقینی همده ییر قیمیردهییش یوزهسیدن ضرر کورگنلری اوچون مسوول نهادلرنی بو قیینچیلیکلرنی ییچیش اوچون جدی توجه قیلیشلرینی سورهدی.
ریاستالوزرا اداری اورینباسری آرتیقلشیچه، کوپلب شکلده مهاجرلر اولکهده قیتگنلر، اوتگن بیش ییل دوامیده بیش میلیوندن آرتیق قاچقین قوشنی ممکلتلردن افغانستانگه قیتگن، بختگه موافق اسلام امیرلیگی اولرنی قیینچیلیکلریگه ییتیشگن.
حنفی جنابلری، قیتیب کیلگنلرگه ایش اورینلرینی یرهتیشگه تأکیدقیلیب، اولکه بشری منبعلر همده ایچکی ظرفیتلرنی ایشگه آلیشینی تاثیرلی رول اوینهشینی ایتدی.
عینی حالده، آقای جان ایلیف اوشبو تشکیلاتنینگ ایش وفعالیتلریدن حسابات بیریب افغانستان اسلام امیرلیگینی ملی رواجلنتیریش استراتیژیسینی آلقیشلهدی.
او کیشی، حاضرگه برچه قیتگن قاچقینلر خلق ارا آزیق آوقت یاردملریدن بهره آلیشلریگه اشاره قیلیب، کوپینچه پروژهلر ایش اورینلرینی یرهتیش اوچون قول اوستیده بولگنینی ایتی.
یکونده، مولوی عبدالسلام حنفی جنابلری، خلق ارا آزیق آوقت انسان سیورلیک یاردملرینی آلقیشلب اسلام امیرلیگینی بو عرصهده همکارلیک قیلیشیگه ایشانچ بیردی.#
