اوشبو ییغین افغانستان اسلام امیرلیگی ریاست الوزراء دفترینینگ عمومی باشلیغی داکتر ملا عبدالواسع جنابلری باشلیگیده اوتکزیلیب، جاری ییلنینگ ایشلری همده پروژهلرینی یخشی شکلده آلغه آلیب باریش مقصد بحثلر یوریتیلدی.
سلام خانه قصریده، ریاست الوزرا دفترینینگ مسووللری همده ایشلاوچیلری حضوری بیلن اوتکزیلگن اوشبو ییغنده، دستلب داکتر ملا عبدالواسع جنابلری اوتکن ییل ثمرهلی تجربهلریدن فایدهلنیشگه تاکید قیلیب ایتیشیچه، ریاست الوزرا عمومی دفتری نینگ برچه ایشلاوچیلری اوز ایشلرینی اسلامی تیزیمنی مستحکملش همده خلق یولیده خدمت قیلیش یولیده تلاش قیلیشلری کیرهک.
او کیشی ایشلریگه اخلاص، بیر-بیراوگه یاردملیک، وقتنی تنیش، بیت المالنی اسرهش و اداری ایشلرنی وقتیگه آلغه آلیب باریشنی اساسی مقصد دیب ایتدی.
شونینگدیک اوکیشی ۱۴۰۵ -ییل تشکیلینی بهالش همده محاکهلردن سونگ شو احتیاجلرنی نظرگه آلیب توزهتیلگنینی معلوم قیلدی.
انهشو حالده ریاست الوزرا دفتری نینگ ایشلر بوییچه اورین باسری، مولوی سید احمد مستقیم جنابلری، تعهد وفادارلیک همده اخلاصگه تاکید قیلیب شوندی دیدی. اوشندهی کیم اداره قیلگن تعهدلری اساسیده ایشلاوچیلر اوچون برچه قولیلیکلرنی یرهتگن، شونیکدیگ ایشلاوچیلرهم اوز ایشلرینی اخلاص همده صداقت بیلن آلغه آلیب باریشلری کیرهک.
عینی حالده، ریاست الوزرا دفترینینگ اجتماعی و سیاسی باشلیغی مفتی محمود ذاکری، مسولیتلرنی درک قیلیشیگه تاکیدلب، اسلامی شریعت احکاملری اساسیده، اسلامی تیزیمگه ایشلشنی بیر امانت و خدمتلر کورسهتیش اوچون یخشی ایزگو وسیله دیب بیلدی. او کیشینینگ ایتیشیچه، برچه ایشلاوچیلر اوشبو مقصگه ایریشیش اوچون اطاعت قیلیش بیلین بیرلیک و بیردم لیکلرینی اسرهشلری کیرهک.
اوشبو ییغین، دعوت و ارشاد ریسی مولوی محمد هاشم شهید ورور جنابلرینینگ خیر دعاسی بیلن یکون تاپدی.#
