افغانستان اسلام امیرلیگی ریاست الوزراء حرمتلی رییسی الحاج ملا محمد حسن آخند بوگون توشدن آلدین چین نینگ افغانستان اوچون ینگی ایلچیسی حرمتلی جاو شینگ نینگ ایشانچ یارلیغی تشریفاتی بیر مراسمده قبول قیلدی.
تشقی ایشلر وزیرلیگی سرپرستی حضوریده ارگ ده انه شو مناسبت بیلن اویوشتیریلگن مراسمده، حرمتلی رییس الوزراء چین ینگی ایلچیسی نی خوش کیلیب سیز دیدی.
چین نینگ افغانستان اوچون ینگی ایلچیسی اوزی نینگ افغانستانده باشله گن ینگی ماموریتیدن خوشلیک قیلیب ایتیشیچه، بو مینگ اوچون فخرلی دیرکه چین نینگ افغانستان اوچون ینگی ایلچیسی اوله راق وظیفه باشله یمن. شونینگدیک او چین خلقی جمهوریتی رهبریتی نینگ قیزغین و النگه لی سلاملرینی افغانستان اسلام ا میریگی زعیمی شیخ الحدیت مولوی هبة الله اخندزاده صاحب و ریاست الوزراء رییسی حرمتلی الحاج ملا محمد حسن آخندگه تقدیم قیلدی.
جاوشینگ جنابلری، چین و افغانستان یخشی قوشنی صفتیده افغانستان مستقللیگی، ییر بوتونلیگی و افغانستان قرارلری مستقللیگیگه بوتونله ی حرمت قیله دی دیدی. اونینگ تاکیدلب ایتیشیچه، چین نینگ افغانستان ایچکی ایشلریگه اره له شیش پالیسیسی یوق، شونینگدیک افغانستانده اوزی نینگ نفوذ ساحه سی توزه تمهیدی.
حرمتلی جاو شینگ نینگ کوپه یتیریشیچه، سونگی ایکّی ییل ایچیده اقتصاد روجلهنیشی و امنیت تامینله نیشیدن علاوه، فساد، جنایت و مخدر ماده گه قرشی کوره شیلگن یخشی آلغه سیلجیش بولگن دیر. سیاست، اقتصاد و باشقه بولیملرده چین و افغانستان اورته سیده علاقه لر و همکارلیکنی کوچه یتیریشگه سعی و حرکت قیله من.
کیینراق اسلام امیرلیگی حرمتلی رییس الوزراء چین نینگ حرمتلی جاو شینگ ایلچسی صفتیده تعیینله گنیدن منّتدارلیک بیلدیردی و سیز نینگ تنیشتیریلگنینگیز ایکّی دولت اۉرتهسیدهگی دیپلوماتیک مناسبتلرنی ینهده یوقاری باسقیچگه کۉتریشگه خدمت قیلیشیگه امید بیلدیره من دیدی.
حرمتلی باش وزیر افغانستان و چین اورتهسیدهگی مناسبتلرنی مهم دېب اتهدی و افغانستان و چین اورتهسیدهگی همکارلیک اشغال توگهگنیدن کېین سونگی ایکّی ییل ایچیده ایریشیلگن یخشی مناسبتلر و همکارلیک، ایکّی تامانلهمه مناسبتلرنی مستحکملش یولیدهگی کېینگی قدملر حقیده هم توختهلیب اوتدی.#
