افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون اخبارات و مدنیت وزیرلیگی اورین باسری مولوی محمد یونس راشد باشچیلیگیده مملکت نینگ ۳۴ ولایتی یاشلر آمرلری و مدیرلری بیلن اوچره شدی.
اوشبو اوچره شوو ولایتلر یاشلر آمرلری قابلیتینی آشیریش مقصدیده اوتکزیلگن اون کونلیک سمیناردن سونگ اویوشتیریلدی، بونده هرات و ننگرهار یاشلر آمریتی باشقه لر نماینده لیگیده گپیریب، اخبارات و مدنیت وزیرلیگی چتری آستیده یاشلر آمریتی یاشلرنی سالم تربیهلهنیشی زمینه یره تیش و یاشلرنی نا توغری فکردن اوزاقلشتیریش اوچون سعی و تلاش قیلهدی دیب ایتدیلر.
اولر نینگ کوپیتیریشیچه، اوتگن ییگیرمه ییل ایچیده گی نظامی تجاوز یانیده فرهنگی تجاوز هم بولدی و اسلام امیرلیگی پیروزلیگی بیلن بونینگ آلدی آلیندی، لیکن بونی هنوز هم تاثیر بار.
هرات و ننگرهار یاشلر آمری نینگ قوشیمچه قیلیشیچه، اگر کوپراق امکانات یره تیلگن حالده، همگرالیک و یاشلرنی تربیهلش دییرلی ایشلر قیله آلهدیلر.
کیینچه لیک اخبارات و مدنیت وزیرلیگی نینگ یاشلر بوییچه اورین باسری مولوی محمد یونس راشد یاش نسل تربیهسی اوچون یاشلر آمریتلری قابلیتینی آشیریش اوچون تیار دیب، یاشلر معینتی هر بیر بولیمده ایشلاوچلر نینگ قابلیتینی کوتریش اوچون ینه کوپراق برنامه لر بجریلهدی دیدی.
ریاست الوزراء سیاسی اورین باسری حرمتلی مولوی عبدالکبیر، یاشلر اجتماع نینگ مهم قتلمی دیر، یاش نسل تربیهلش و اولرنی درست مسیرگه یونلتیریش مهم دیب تیلگه آلدی.
حرمتلی مولوی عبدالکبیر نینگ ایتیشیچه، برچه گه معلوم که اسلامی نظام برقرار بولیشی یولیده یاشلر کته قربانلیک بیردیلر و حاضر گی نظام ده کوپ مشارکتلری بار و اسلام امیرلیگی ایسه یاشلردن تشکیل بولگن دیر.
ریاست الوزراء سیاسی اورین باسری، اسلام امیرلیگی کیلهجک نسل اسلامی روحیه و افغانی قدریتلر اساسیده تربیهلنهدیلر دیدی.
حرمتلی مولوی عبدالکبیر اوزی نینگ سوزلری اداغیده یاشلر معینتی آمرلریگه بویروق تاپشیریب اوز مسوولیتلرینی وقتیده و یخشی صورتده بجریب یاشلرنی تربیهلش اوچون زمینه یرهتهدی و مملکت کیلهجگی یاشلر قولیده دیر.#
