ریاستالوزراء اداری اورینباسری حرمتلی مولوی عبدالسلام حنفی بوگون توشدن سونگ غور ولایتینینگ حاکمی حرمتلی الحاج مولوی حیات الله مبارک و بیرگهسیدهگی هیئت بیلن اوچرهشدی.
اوشبو اوچرهشووده دستلب غور ولایتینینگ حاکمی حرمتلی مولوی حیاتی الله مبارک جنابلری باشقهلرتمانیدن سوزگه چیقیب، اوشبو ولایتینینگ اقتصادی، اجتماعی، محلی حکومتدارلیک همده محلی ایش و فعالیتلریدن ریاستالوزراء اداری اورینباسریگه حسابات بیریب، اسلام امیرلیگینینگ محلی مسوللری خلققه خدمت کورسهتیش و علیحده قیتیب کیلگن قاچقینلرنی معمالرینی ییچیش یولیده کیچه_کوندوز سعی_حرکت قیلیب تورگنلرینی ایتدی. اوکیشی خلق ایستکلری جملهدن وصل بولهدیگن یوللر، انرژی برق، ساغلیقنی سقلش مرکزلری، لایحهلرنی رواجلنتیریش همده قیتیب کیلگن قاچقینلر موضوعینی ییتکزیب اسلام امیرلیگینینگ اوشبو ایستکلرگه توجه قیلیشلرینی سورهدی.
عین حالده، ریاستالوزرا اداری اورینباسری حرمتلی مولوی عبدالسلام حنفی اولرنی خوش کیلدینگیزدیب، شوندی دیدیلر: غور ولایتنینگ متدین و غیرتلی خلقی اولکهنینگ ایرکینلیک یولیده همده اسلامی تیزیمنی حاکمیتیگه قربانلیکلر و فداکارلیکلر بیرگنلر.
ریاستالوزرا اداری اورینباسری خوفسیزلیگینی تأمینلش همده خلققه خدمتلر کورسهتیش اسلام امیرلیگینینگ تعهدلریدن ایکنلیگینی اورغولب محلی مسؤوللرنی بو یولده جدی شکلده حرکت قیلیشلرینی سورهدی.
ریاستالوزرا اداری اورینباسری غور ولایت حاکمی تمانیدن سورهلگن خلق ایستکلریگه، امکانیتلرگه کوره عملگه آشیریلیشینی اورغولهدی.#
