ریاست الوزرا اقتصادی اورین باسری حرمتلی ملا عبدالغنی برادر آخند بوگون ابوعلی سینا بلخینینگ ایکینچی ملی وخلق ارا تخصصی کورکزمهسینی آچیب بیردی.
ریاست الوزرا اقتصادی اورین باسری، اوشبو کورکزمهنینگ آچیلیش مراسیمده، دوا ودرمان بولیملریده کیرهکلیک آدیملرکوتاریلگنی همده حاضرده خلقنینگ احتیاجلریدن کته بیرقسمی ایچکی ایشلب چیقاریشلریدن تأمین بولهدیگنیدن خرسندلیک بیلدیردی.
اوکیشی، تشقی فشارلرهمده اقتصادی چیکلاولری اوچون تاثیرلی یول ایچکی ایشلب چیقاریشیدن قوللب-قوتلیش ایکنینی ایتدی. حرمتلی ملا جنابلریگه کوره، بواخیرکی دوا وارد قیلیشی نینگ کمهیشی سبب، دارو ایشلب چیقاریش سکتوری کمگینه زمانده کوزلنگن حالده رشد قیلگن که خلقنینگ تشقی دارو اورنیده ایچکی دارولردن فایدهلنیشلری لازم.
انه شوحالده، مملکتنینگ احتیاجلریگه کوره، اوشبویوتوقلر ییترلی ایمس، دیمک دارو ایشلب چیقرهدیگن فابریکهلراوزلرینی قبول بولگن معیارلرگه کوره رواجلنتیرماقلری کیرهک ایکنلیکینی اورغولندی.
حرمتلی ملا عبدالغنی برادر آخند، اوشبو کورکزمهنی دارو سکتورینینگ رواجلنش یولیده مهم دیب، ساغلیق مسؤللری همده خلقدن ایچکی دارولرگه اعتماد همده مذکور دارولردن فایدهلنماقلرینی تاکیدقیلدی.
شونینگدیک، حاجی ملا صاحب دارو سوداگرلریدن یوقاری ساتیشدن همده احتکارقیلیشدن وازکیچماقلرینی همده مسوول نهادلرنی اوشبو حالده بو آدیملرنی آلدینی آلماقلرینی سورهدی.
ریاست الوزرا اقتصادی اورین باسری، الکترونیکی تیزیملرنی باشلنیشی همده سرمایه یاتقیزیش جریانینی کوتاهلنتیریشینی تیلگه آلیب، سرمایه یاتقیزووچیلردن افغانستانگه سرمایه یاتقیزماقلرینی سورهب، اسلام امیرلیگینینگ اولرنی یانلریده توریشلریگه ایشانچ بیردی.
حرمتلی ملا برادر آخندنینگ ایتیشیچه، اسلام امیرلیگی ایچکی اقتصادینی یانیده، خلق ارا منطقهای اقتصادی کوچهیتیریشینی رواجلنتیریشیگه تمرکزی بارلیگینی همده اقتصادی معاملهلر قوشنی همده منطقه مملکتلری بیلن کوپهیگنینی اورغولهدی.
ایتش کیرهککه، مذکور کورکزمهده، اونلب فابریکه اوز محصوللرینی نمایشده قویدیلر، دیمک اوشبو کورکزمه تورت کون دوام ایتهدی.
حاضرده، ممکلت بویلب 134 فابریکه 1170 قسم دارو ایشلب چیقاریشده مشغوللر. اوشبو فابریکهلرده 450 میلیون دالر سرمایه کیریتیلگنی بیلن 38 فاییز احتیاجلرنی تأمین قیلهآلهدی.
ایتش کیرهک سکیزآی آلدین اوشبو رقم 25 فایزایدی که تشقی دارونینگ واردی کمهیشی بیلن ایچکی ایشلب چیقاریشی کوزلنگن حالده رشد قیلگن.#
