بسم الله الرحمن الرحیم
الحمدلله نحمده ونستعينه ونستغفره ونتوب إليه ونعوذ بالله من شرور أنفسنا ومن سيئات أعمالنا من يهده الله فلا مضل له ومن يضلل فلا هادي له وأشهد أن لا إله إلا الله وحده لا شريك له وأشهد أن محمدا عبده ورسوله. أما بعد:فقد قال الله تعالي: قَدْ أَفْلَحَ مَنْ تَزَكَّى (۱۴) وَذَكَرَ اسْمَ رَبِّهِ فَصَلَّى (۱۵) سورة الأعلی
ترجمه: حقاکه پیروز بولگن دیر (مرادگه ییتگن) کیمسه پاک بولگن (ایمانلی دیر) اوزی نینگ ربی آتینی تیلگه آلدی (تکبیر بیلن) کیین نماز اوقیدی (بو ایسه اسلام نینگ انیق علامهسی دیر). تفسیر کابلی اساسیده ایریم اسلاف نینگ ایتیشلریچه، بو ییرده تزکیهدن مقصد، فطر صدقهسی و ذکردن مراد، عید تکبیرلری و نمازدن مراد ایسه، عید نمازی دیر (یعنی هییت نینگ بیرینچی کونی، فطر صدقهسی (سرسایه) دیر، سونگ تکبیرلر و عید نمازینی ادا قیلیش دیر.)
عن ابن عباس رضی اللّٰه تعالیٰ عنه قال: في آخر رمضان أخرجوا صدقة صومکم فرض رسول اللّٰه ﷺ هذہ الصدقة صاعاً من تمر او شعیر او نصف صاع من قمح علی کل حرٍ او مملوکٍ ذکرٍ او أنثی، صغیرٍ او کبیرٍ. [رواه ابوداؤد]
ترجمه: روایت قیلهدیلر که ابن عباس رضی الله عنه رمضان مبارک آیی نینگ سونگی کونلریده مردم گه دیدیلر: سیزلر روزهلرینگیز زکاتینی بیرینگلر (یعنی فطر صدقهسینی ادا ایتینگلر) رسول الله صلی الله علیه و سلم اوشبو صدقهنی هر بیر آزاد مسلمان، غلام، کنیز، ایرکک، عیال و بالهلرگه خرما و ارپهدن بیر صاع و بوغدایدن ایسه یریم صاع فرض (یعنی واجب) قیلگنلر دیر.
و عنه قال: فرض رسول الله صلى الله عليه وسلم زكاة الفطر طُهرةً للصائم من اللغو والرفث، وطعمةً للمساكين. [رواه ابوداؤد]
ترجمه: ابن عباس رضی الله عنه روایت قیلهدیلر که رسول الله صلی الله علیه و سلم فطر زکاتینی روزهدارنینگ بیهوده سوزلری، معصیتآلود و روزه جریانیدهگی شهوت آمیز وباللردن پاک بولیشی همده کمبغل و قشاقلرنینگ آوقتگه ایریشیشی و باشقه احتیاجلری برطرف بولیشی اوچون تعین ایتگنلر.
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ . [متفق علیه]
ترجمه: رسول الله صلی الله علیه و سلم ایتهدیلر: هر بیر کیشی ایمان یوزهسیدن (شریعتنی یخشی توشینیب و رمضان فرضلیگنی یخشی انگلب اونگه اعتقاد قیلگنده) ثواب طلبی اوچون (یعنی ریا اوچون ایمس، بلکه خالصةً لله تعالی اوچون) مبارک رمضان آیینی روزه توتیب عبادت قیلسه، اوشه کیشی نینگ اوتمیشدهگی گناهلری کیچیریلهدی.
افغانستان مؤمن و مجاهد ملتی و بوتون دنیا مسلمانلری
السلام علیکم ورحمة الله وبرکاته!
و سونگ: عید سعید فطرنی برچهلرینگیزگه تبریک ایتهمن، الله تعالی هر بیرینگیزنی روزه، تروایح، سرسایه، دعالرینگیز و باشقه بدنی و مالی عبادتلرینگیزنی اوزی قبول ایلهسین.
حرمتلی ایناغهلر!
بیرینچیدن بیزلرگه اسلامی و شرعی نظامنی اعطا ایتگنی اوچون الله جلجلاله نینگ شکرینی ادا قیلیشیمیز کیرهک و اوشبو مقدس نظام نینگ سایهسی آستیده حیات کیچیرهمیز، الله نینگ فضلی بیلن تینچ فضاده روزه توتدیک و بوگون ایسه عید سعید فطر نمازینی ادا قیلهپمیز و بونینگ سرور و شادلیک کونلرینی هم امن فضاده اوتکزهمیز.
الله تعالی می فرماید: لَئِنْ شَكَرْتُمْ لَأَزِيدَنَّكُمْ وَلَئِنْ كَفَرْتُمْ إِنَّ عَذَابِي لَشَدِيدٌ (آیة ۷ سورة ابراهیم).
ترجمه:... قسم ایچهمن که اگر چیندن منتدار بولسنگیز [مینینگ نعمتلریم و احساناتلریم] شبههسیز نعمتلرنی سیزلرگه کوپهیتیرهمن و قسم ایچه من که اگر ناسپاسلیک قیلسنگیز [مینینگ نعمتلریم و احساناتیمگه] قطعا مینینگ عذابیم جوده آغیر دیر.
و الله تعالی ایتهدی: قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِمَّا يَجْمَعُونَ (۵۸)[سورة یونس]
ترجمه: ایت (ای محمد) مؤمنانلرگه (قرآن) فضلی و الله نینگ (دینی) رحمتلی بیلن شاد بولینگلر (چونکه) بو (فضل و رحمت) ییغگن برچه ماللرینگیزدن کوره جوده افضل و یخشی دیر. مؤمنانلر بونگه خوشحال بولیشی ممکن، ایسله تیلگن موردلر قرآن عظیم الشان، اسلام و باشقه مقدسلر دیر که اینگ یخشی و خیر دیر. تفسیر کابلی
هر بیر نعمت اوچون الله نینگ شکری ادا قیلینسه، الله تعالی اوشه نعمتنی ینه - ده کوپهیتیرهدی و اگر خدا ناخواسته بونگه نسبتن ناشکرلیک قیلینسه، الله تعالی عذاب بیلن آگاهلنتیرهدی بو ایسه ییریک خوف دیر، شونینگ اوچون هم مسلمان ایناغهلریمیزنی خطاب قیلیب چقیرهمیزکه الله تعالی نینگ شکرانهسینی اونوتمهسینلر و هر دایم الله نینگ شاکر بندهلری بولسینلر. شرعی نظام، امن، اخوت و بیرلیک الله تعالی تمانیدن اعطا قیلینگن نعمتلر دیر که بیزلر نیچه اون ییلدن بیری بوندن محروم ایدیک. بوگون الله تعالی اوشبو نعمتلرینی بیزلرگه اعطا قیلگن ایکن، بیرینچیدن اونینگ شکرانهسینی ادا قیلهیلیک، اونینگ آرقهسیده محکم تورهیلیک، اونی حمایت قیلهیلیک، اصلاح ایتیب و اونینگ خیرخواهلیگینی قیلهیلیک. اینیقسه علماء کرام نینگ مسوولیتلری دیر که برچه مردم و اسلام امیرلیگی مسووللرینی الله نینگ بندهلیگی اوچون متوجه ایتسهلر، اولرنی اصلاح قیلسهلر، اولرگه ایزگو مصلحتلر بیرسهلر، اولرگه توصیه قیلسهلر، خیرخواهلیک ایتسهلر و هر دایم عبادت ساری دعوت قیلسهلری. مسجدلر اماملری نینگ مسوولیتی بار دیرکه مقتدیلر و اولرنینگ فرزندلرینی عقاید، اعمال و اخلاقینی اصلاح قیلیب و اولرنینگ تربیتیگه هر کون متوجه بولسهلر، دایمی روشده اصلاح قیلیب تورسهلر واینیسقه معاصر فتنهلردن حفاظت قیلسهلر.
اسلامی شریعت تنفیذی:
اسلام مقدس رکنی نینگ مهم هدفی فی سبیل الله جهادی دیر، اعلاء کلمة الله و اسلامی شریعت تنفیذی بولهدی، اسلام امیرلیگی هم مقدس جهاد مقصدیگه ایریشیش و مجاهدلر قربانلیگینی حراست ایتیش اوچون بو اساسی هدفگه اولویت بیره دی و اونگه ایریشیش یولیده تورلی سعی و حرکتلرنی ایشگه سالگن دیر. عدالت تامینلهنیشی، شرعی حدود و شرعی تعزیراتنی محکمهلر شریعت اصولی مطابقتیده، بیر سانده اقامه قیلهدی، ظلم نینگ آلدینی آلهدی و مظلومدن ایسه دفاع ایتهدی.
منکرات و اقامه معروفات نینگ آلدینی آلیش اوچون، امر بالمعروف، نهی عن المنکر و شکایتلرنی ایشیتیش وزیرلیگی شرعی اصول مطابقتیده بو مقدس وظیفهنی ایلگری آلیب بارهدی. علماء کرام آقسقاللر کینگشی مسووللر بیلن بیرگهلیکده شرعی احکام عملگه آشیریلیشی اوچون، اوزلری نینگ ایزگو مصلحتلری، علماء اورتهسیده بیرلیکنی حفظ ایتیب، مردم و اسلام امیرلیگی اورتهسیده ایشانچنی مستحکم لب ایشگه مشغول بولهدیلر، اولردن اطاعت قیلیش یولیده مسووللر مکلف دیر، بوندهی کینگشلرنی ایجاد قیلیش جریانی ولایتلردن سونگ اولسواللیکلرده هم کینگهیتیریلهدی و استه - سیکین علماء کرام و آقسقاللر کینگشی برچه اولسواللیکلرده تاسیس ایتیلیشی ممکن دیر. محاکمنی دفاع قیلیب، فیصلهلرگه قناعت قیلیب و اونی قبول قیلیش، امربالمعروف، نهی عن المنکر مسووللری توصیهلرینی بجریب عملی قیلیش، ایشلرگه اولر بیلن همکارلیک قیلیش و شریعتنی انفرادی و اجتماعی شکلده قبول قیلیش هر بیر مسلمان نینگ مسوولیتی دیر.
تعلیم و تربیه:
معارف وزیرلیگی دینی و زمانوی بیلیم اورگهتیش اوچون برچه ولایتلر همده اولسواللیکلرده کینگ کولمده تشکیلاتی بار و یوزلب دینی و علمی مرکزلرنی فعال ایتگن دیر، برچه یتیملرنی اوقیتیش، تعلیم و اولرگه یخشی کفالت اوچون هر بیر ولایت و بیر قنچه اولسواللیکلرده دارالایتاملر ایجاد بولگن دیرکه مستقل بیر ریاست تامانیدن اداره ایتیلهدی. هر بیر مسلمان نینگ مکلفیتی دیر که اوزی نینگ فرزندلرینی یخشی تربیت ایتسین، اولرنی تعلیم بیریب و اولرگه دینی تعلیمات فرصتلرینی یرهتسین.
امنیت:
افغانستان نیچه اون ییل نابرقرارلیک، نابسامانلیک و قیین چیلیکلرنی متقبل بولگنلر، خستهلیکلر، قربانلیکلر و بیر قنچه تکلیفلردن سونگ الله تعالی ییریک بیر انعامنی ارزانلیک قیلدی و بو ییرده تولیق امنیت فضاسینی حاکم ایلهدی، ظاهری همده باطنی خوفسیزلیک تامینلندی. ظاهری امنیت دیگنی بو دیرکه نفس لر، ماللر و خلق نینگ عزتی خوف سیز دیر، باطنی امنیت ایسه مستقللیک و آزادلیک دیر و بو ایسه الله نینگ کته نعمتی دیر. حاضر سیزلر بوندهی ایکّی امنیتنی حفاظت قیله سیزلر و خوفسیزلیک مسووللری هر قندهی همکارلیک ایتهدی و بونی اوزلری نینگ مسوولیتی دیب بیلهدیلر، چونکه الله تعالی بیزلرنی بونگه مکلف ایتگن یخشیلیکده مردم بیلن همکارلیک و یامانلیک ده کیمسه بیلن همکار بولمهسک. دیمک مفسدلرنینگ آلدینی آلینگلر و سیزلر ایسه امنیت تامینلهنیشی اوچون مسوول سیزلر، اگر بیراونینگ قانی ناحق توکیلسه، برچه میز مسوول میز، چونکه الله تعالی برچه نی یامانلیکلرنینگ آلدینی آلیش اوچون مکلف ایتگن دیر، اگر سیزلر همکارلیک ایتمه سنگیزلر خوفسیزلیک مسووللری هیچگاه اویمه – اوی باره آلمهیدیلر، سیزلر کوچهنگیز، اویینگیز و شهرینگیزنی امنیتی تامینلهنیشی اوچون اولر بیلن دایمی همکارلیکده بولینگ.
اقتصاد:
اسلامی نظام و شرعی قیادت نینگ مسوولیتلریدن باشقه بیری رعیت نینگ اقتصادیگه توجه قیلیشی دیر بو تلاش وسیله سیده رعیت احتیاجمندلیکدن قوتیلهدی و اوزی نینگ کوچ قوتی بیلن آزیق آوقتینی تامینلب یرهتهدی. اسلام امیرلیگی ممکن قدر شرکتلر ایجاد بولیشی یولیده سعی و تلاش آلیب بارگن دیر و عامالمنفعه ایشلرنی بجرگن تاکه مردم نینگ نفقهسی و رزقی تامینلهنیب فراهم بولسه. بو تلاشلرنینگ امکان قدر دوامی بار و بو خصوصده بیر قنچه ایشلر هم باشلنگن دیر. سیزلرهم تینگ تورمنگلر!
انفرادی همده اجتماعی شکلده ایشلرنی یره تیش مقصدیده سیزلر هم کوشش قیلینگلر، اوز آرهلرینگیزده شرکتلرنی ایجاد قیلیب، ایش و کوچ فرصتلری و فابریکهلر ایجاد بولیشینی یرهتینگ، اسلام امیرلیگی بیلن همکار بولیب مملکت اقتصادینی کوچهیتیریش و رشدی اوچون تلاش قیلینگ. شونینگدیک اسلام امیرلیگی هم ایکینچیلیک، زراعت، سوونی باشقریش، فابریکهلرنی توزهتیش و صنعت رواجلهنیشی اوچون یخشی شرایط یرهتیش اوچون توجه قیلهدی. الله تعالی گه توکل قیلهمیز، حلال رزق تاپیشگه سبب بوله دیگن یوللرنی قیدیریش اوچون سیزلر هم تلاش قیلینگلر، ناجایز معاملهلردن پرهیز ایتینگ، حلال مالنی کمایی ایتینگ، بیگانهلرگه تیکه قیلیمنگ و باشقهلردن هم طمعنگیز بولمهسین!
برچه تامانلر بیلن شریعت چوکاتیده یاندهشیش:
افغانستان اسلام امیرلیگی اوزی نینگ شرعی خط مشی چوکاتیده، متقابل حرمت اساسیده هر کیم بیلن ایزگو علاقه سی بار و هر بیر تاماندن ایسه اسلام امیرلیگی نینگ بو نیک نیت و اراده سیگه هیچ شک شبهه بیلن قرهمهسین. قول و تعهدیمیز تعهد دیر و اولردن هم حریم، منافع افغانستان عزتیگه توجه قیلیشنی توقع ایتهمیز و اولردن بیزلر بیلن ایزگو علاقهنی ایلگری آلیشلرینی سورهیمیز. منطقه نینگ برچه مملکتلری بیلن اسلام مقدس دینی یاروغلیگی و اقتصادگه یونلتیریلگن متوازن سیاست چوکاتیده ایلگری کیته میز، برچه بیلن سفارتی و اقتصادی مناسبت ایستهیمیز. اولر هم افغانستان امنیت، برقرارلیگی و رواجلهنیشینی یخشی بیر فرصت بیلیب، آلدیندن کوره علاقهلرینی بیزلر بیلن کینگهیتیرسینلر، بیزلر ایشانچ فضاسینی ایجاد ایتسینلر و همکارلیک روحیهسی اساسیده پالیسی آلیب بارسینلر. اسلام امیرلیگی نینگ تشقی ایشلر وزیرلیگیگه وظیفه تاپشیریلگن دیر که برچه مملکتلر اینیقسه اسلام دنیاسی اولکهلری بیلن ایشانچلی فضاء ایجاد ایتسه. اسلام امیرلیگی نینگ علاقهسی بوتون دنیا بیلن ایناغه چیلیککه استوار دیر، برچه مسلمانلر بیزلرنینگ ایناغه میز دیرلر، بو اصلنی نظرده توتگن حالده، بیزلرنینگ دینی، عقیدتی قوشمه باورلریمیز بار، مشترک منفعتیمیز بار بونینگ اساسیده مشترک دیدگاه میز بولیشی کیرهک، بیر- بیراویمیزنینگ غم و قیغومیزگه شریک بولهیلیک و کوچیمیزگه قدر بیر- بیراویمیزگه کمک و همکارلیک قیلهیلیک. بوندهی بیر موفقنی آلیش برچه مشترک قیین چیلیکلریمیزنی کمه یتیریب حل ایته آلهدی و اسلام امیرلیگی ایسه بوندهی فضانی ایجاد قیلیشنی خواهلهیدی.
فلسطین:
فلسطین قضیهسی، برچه اسلام امتی نینگ قضیهسی حسابلنهدی، بیزلر ینه بیر بار اسرائیل نینگ غزه گه قیلگن تجاوز همده اشغالگرلیگینی قتیق قاره لهیمیز، برچه اسلامی مملکتلر حتی جهاندن تیزلیکده ظالم اسرائیل نینگ قولینی کوتاه قیلیشنی خواهلهیمیز، تاکه او ییرده تجاوز اوز پایانیگه ییتسه، اینیسقه اسلام امتی مظلوم فلسطین لیکلرنینگ داعیهسینی حمایت قیلسهلر و بیر یقهدن باش چیقاریب اوز امکانیتلری محدودهسیده فلسطین لیک ایناغهلری یانیده توریشلری کیرهک. تاسف اورینی دیر که دنیا انسان حقوقلری مدعیلری فلسطین اوستیدهگی جاری ظلمنی نظارت قیله دیلر و هنوزگچه خلق ارا هیچ بیر تامان بو ظلم توختهتیلیشی اوچون عملی قدم کوترمه گن و اوزی نینگ بو توغریدهگی مسوولیتینی ادا قیلمه گن دیر.
مخدر موادنینگ آلدینی آلیش:
اسلام امرلیگی نینگ شرعی مکلفتی اساسیده مملکت ده مخدر ماده ایکیش نینگ منع ایتیش و بو خصوصده اسلام امیرلیگی نینگ فرمانی وطنداشلریمیز تامانیدن تطبیق ایتیلیشی ییریک بیر یوتوق سنهلهدی، بو کته ایشنی بجریش، مردم نینگ کیسکین حمایتی و اسلام امیرلیگی نینگ کوچلی تصمیمنی کورستهدی و بو ایسه باشقه ایندی افغانستاندن مخدر ماده پاک و تازه بولیشینی انگلتهدی. کابل قوشیمچه ولایتلرده مخدر مادهلرگه بیریلگنلرنی ییغیب آلیش و اولر دوالنگندن سونگ عایلهلریگه تاپشیریلیشی باشقه بیر شرعی مکلفیتلردن حسابلنهدی که بونی اسلام امیرلیگی بجردی و بو بیلن ملت نینگ کته قسمی عایلهسی نینگ دردیگه یرهدی. بوتون افغانستان مردمی اوشبو توغریدهگی فرمان عملگه آشیریلیشی اوچون مجاهدلر بیلن همکارلیک قیلیشگه مکلف لر.
اسلام امیرلیگی نینگ برچه مسووللری و مجاهدلریگه:
برچه لرینگیزگه قویدهگی توصیهلریم بار تاکه همه نگیز بونگه عمل قیلسنگیز و هر بیر مسوول ایسه بونی قولی آستیدهگیلر بیلن شریک قیلیشی کیرهک تاکه اوز مردمیگه یخشی صورتده خذمت قیلسهلر، اولر بیلن ایزگو یانده شیب و شرعی حقلرینی بیرهیلیک:
۱- برچه مسووللر اوزلری نینگ بوتون ایشلریگه متوجه بولسینلر، افغانستان مردمی نینگ کوپینچه حقوقی وزیرلیکلر، ولایتلر، ریاستلر و تیگیشلی ادارهلرگه باغلیق دیر، دیمک بو حقیده بیرار مسوول غفلت قیلگنده، بو ایشی بیلن بیر قنچه مسلمانلرنینگ حقوقی ضایع ایتیلهدی و مسووللرنینگ غفلتی شریعتده عذر قبول قیلینمهیدی.
۲- مسووللر اوز آرهلری ایناغه چیلیک ده یششلری کیرهک، قرمه قرشیلیک و خودخواهلیک دن اجتناب قیلیشلری لازم، بو ایش بیلن اسلامی نظام تحکیمی بولمیش جهاد ثمرهسی حفظ ایتیلهدی. جهاد شوروی و کمونیزم برابریده پیروز بولدی، شوروی شکست ییدی، لیکن مسووللر اورتهسیده اتفاقلیک یوق ایدی، بلکه خودخواهلیک بار ایدی، شونینگ اوچون جهاد ثمرهسی قولگه کیلمهدی، اسلامی نظام اورنه تیلمهدی و نتیجهده افغانستان بیر قنچه نابسامانلیکلرگه یوزمه یوز بولدی.
۳- امنیت کوپ قیین توتیش و تلفات بیلن اورتهگه کیلمهیدی، بلکه خوفسیزلیک شریعت تطبیق بولیشی و عدالت برقرار بولیشی بیلن تامینلنهدی و نابرقرارلیک ایسه شریعت برابریده قرشیلیک کورسه تیلگنده یوزه گه کیلهدی، دیمک اوزیمیزنی اصلاح قیلیش ضرور دیر چونکه هر بیر مسوول و کیشی نینگ گناهسی نظام اوستیگه منفی تاثیر تشلهیدی.
۴- ظلمدن اجتناب ایتینگلر، اگر بیراونینگ اوستیگه ظلم بولگن حالده، اونینگ نفرتی بوتون نظامنی تیترهتهدی؛ چونکه مظلوم نینگ آهی و الله پاک اورتهسیده هیچ قندهی پرده یوق دیر.
۵- مجاهدلرنینگ کمونیزم برابریده جهادی پیروز بولگندن سونگ آره لریده قرمه قرشیلیک تاپیلدی و شونینگدیک دشمنلریمیز هم شو کوننی انتظاریده دیرلر، اسلام امیرلیگی مسووللری اورتهسیده هم قرمه قرشیلیک پیدا بولیشینی کوتهدیلر، لیکن بیزلر اولرگه ایته میزکه بو آرمانلرینگیز ان شاء الله تعالی هیچ وقت رویابگه چیقمهیدی. قُلْ مُوتُوا بِغَيْظِكُمْ إِنَّ الله عَلِيمٌ بِذَاتِ الصُّدُورِ.
۶- افغانستان خلقی جوده کوپ رنج کورگنلر، بولرنینگ اوستیگه کوپ ظلملر بولگن و کته قربانلیکلر بیرگنلر، اوشبو پیروزلیک بو مردم نینگ بیرگن قربانلیگی نتیجهسیده اورته گه کیلگن، شوندهی ایکن بو مردم نینگ قدرینی سقلنگ و خدمتیگه ییتینگ، آوازلرینی ایشیتینگ، چونکه اولر تیناوون بیزلرگه اویلریده جای بیریب نانلرینی بیز بیلن ایکّی بولیب ییگن ایدیلر و بوگون اولرنی اونوتمهیلیک بو وفاسیزلیک کته جفا دیر بو ایسه مجاهدنینگ شانیگه لایق و مناسب ایمس.
۷- هیچ کیم ناحق یوزهسیدن آزار کورمسلیگی کیره ک، اگر بیراو قماققه تشلنسه، اونینگ حال و احوالی سوره لیشی کیرهک، بیراو اوندن اورین سیز شکایت ایتمهگن بولسین و یا - ده کیچیک بیر جرمگه کوپ تکلیف بیریلمهسین، دیمک احتیاط قیلینگلر ناحق سیزلردن آزار کورمهسین.
۸- اسلام امیرلیگیده هیچ قندهی ایرمه چیلیک و تبعیض ده اورین یوق، بیر کیشی جنوب دن شمالگه مسوول دیر و بیراو شمال دن جنوب ده مسوول بولیب خدمت قیلهدی.
۹- امتیاز تقوی، اهلیت و امانتدارلیک اساسیده بولهدی، مسووللر آرهسیده قوم، تیل و سمت مسالهسی بولمسلیگی کیرهک، اگر بیراوده بو کسللیک بولسه، همه اونگه متوجه بولیب اونینگ آلدینی آلینسین.
۱۰- اگر بیرارو متحاج بولسه اوندن خبر آلینگ، اوزینگیزنی اونگه ییتکزینگ، کیم و قیرده لیگی بارهسیده هیچ قندهی تفاوت قویمنگلر.
۱۱- بو دوره اوتهدی، بیز و سیزلر کیلهجک نسل اوچون یخشی تاریخ، یخشی لوایح و یخشی اصول اوزیمیزدن قالدیریش اوچون تلاش قیلیشمیز کیرهک. کوپراق آخرت و الله تعالی رضاسی اوچون توجه قیلیشیمیز لازم.
۱۲- بیزلرگه روزی بیرووچی وحفاظت قیلووچی الله تعالی دیر، بوتون دنیا قدرتلری نه روزیلرینگیزنی آلالهدی و نه هم اونی قطع ایته آلهدی و نه هم سیزلرنینگ حیاتلرینگیزنی آلالهدی؛ الله تعالی گه توکل قیلینگ و الله تعالی رضاسینی قولگه کیریتیش اوچون تلاش قیلینگلر.
۱۳- مردم نی اسلامی احکام و اخلاق گه ترغیب و تشویق ایتینگلر، جبر و اکراه اورنیده ملایمت و تشویق دن ایش آلینگلر، زورگویلیک ده مردم سیزلردن نفرت ایتهدی و تشویق بیلن سیزلرگه دوست و اخلاصمند بوله دیلر.
۱۴- جهاد دوریدهگی شرعی عادتلر، دینی معلوماتلر، تعلیم و تعلم سیزلرنی ترک قیلمهسین و بونی ایسدن چیقرمسلیک اوچون کوشش ایتینگلر.
۱۵- قرآنکریم بیلن علاقهنگیزنی اوزمنگ، کمیده هر کون بیر مرته قرآن کریم تلاوت قیلینگ.
۱۶- کته وظیفهلر اوچون خورسند بولمنگلر و اگر وظیفهدن آلینسنگیز، خفه بولمنگ، مقصد بو دیرکه بیر پیت منصب گه کونگیل باغلهمنگ.
۱۷- اوتگن دوردهگی بدنام چهرهلردن عبرت آلینگلر و بوندهی عمللر و اخلاقلردن اوزینگیزنی سقلنگ، چونکه بدناملیک و بدگمانلیککه سبب بولهدی، دیمک اوزلرینگیز سلف صالحین اخلاقی بیلن بیزهنگلر.
قشاقلرگه یاردم بیریش:
سرمایهدار و بای به دولتلردن عید مبارک کیچه و کوندوزلریده، قشاق و کمبغل افغانلرنی اونوتمسلیکلرینی سورهیمن، اولر بیز و سیزلرنینگ ایناغه لریمیز دیر، اولرگه یاردم و کمک قیلیش بیزلرنینگ بورچیمیز دیر و همهلرینگیز اوزینگیزنینگ امکاناتینگیز چوکاتیده قشاق و کمبغل کیشیلرگه کمک و مساعدت قیلینگلر.
اداغده ینه بیر بار عید سعید فطرنی همهلرینگیزگه تبریک ایتهمن، الله تعالی برچهلرینگیزنی هر قندهی آفتدن سقلهسین والله تعالی سیزلرگه موفقیت نصیب ایلهسین. و اسلام
امیرالمومنین شیخ القرآن والحدیث مولوی هبةالله اخندزاده حفظهال
له تعالی
۲۷ رمضان المبارک ۱۴۴۵ هـ ق
۱۸/۱/۱۴۰۳هـ ش ــ 2024/4/6م
