چوقور تاسف بیلن هنوز هم غزه ده اسراییللیک اشغاچی کوچلر تامانیدن نسل‌کشلیک نینگ جریانی بار و او ییرده گی وضعیت کون ساین برچه انسانی اصوللرگه قرشی یامانله شیب بارماقده.
باله لر و کودکلر شامل یوزلب انسان اوز جانلرینی قولددن بیرماقده، انسان پرورلیک یاردم ییتکزیب بیریش یوللر توسیلگن، یره لنگنلر همده هلاک بولگنلرنی ییتکزیش فرصتلری یوق، مظلوم مسلمانلر ییرلرینی تارتیب آلیش دوام ایتماقده، جوده خوفلی قورال اسلحه لر ایشگه سالینماقده و همه سیدن اینگ آغیری دنیا و مساله گه دخلدار اولکه لر، انسان پرورلیک و تیگیشلی تشکیلاتلر موضوع بوییچه بی فرق یانده شیب آز بولسه هم چاره تدبیر کورمه گنلر.
بیزلر ینه بیر مرته اسراییل نینگ غزه ده گی نسل‌کشلیگی و هجوملرینی قتیق محکوم قیلیب قاره لیمیز.
برچه مملکت لردن بو فاجعه نی توگه تیش اوچون جدی و ثمره لی چاره تدبیر کوریشلرینی ایسته یمیز و جاری ظلم و دهشت نی توخته تیشلری کیره ک.
افغانستان نینگ غیرتلی مردمیدن بوگون جمعه کونی، نمازدن سونگ، مسجدلر صحنیده بیر آواز بیلن همدردلیک بیلدیریب، فلسطین مسلمان خلقینی حمایت قیلیب، قرآن کریم ختملرینی اوتکزیشلری و فلسطین مجاهد ملتی پیروزلیگی و قوتیلیشی اوچون دعا قیلسینلر و اوز همدردلیکلرینی اولرگه بیلدیرسینلر.
الله تعالی درگاهیدن فلسطین مظلوم و بی چاره مسلمانلریگه یاردم بیرسین، اسراییللیک اشغالچیلر و اولرنینگ چیت ایللیک حمایتچیلرینی نابود ایله سین. آمین یا رب العالمین.
رئیس‌الوزرای افغانستان، الحاج ملا محمد حسن آخند
۲/۱۲/۱۴۴۶ هـ.ق
۹/۳/۱۴۰۴ هـ.ش ــ 30 مه 2025 م
